بنگەهەکێ ڤاکسیندانانێ ل ناڤەندا قوتابیان ل زانکۆیا دهۆک هاتە ڤەکرن
Nov. 10, 2021, 12:05 a.m.

ل رۆژا 9/11/2021 ل ناڤەندا قوتابیان هەوەکا ڤاکسیندانێ ژلایێ رێڤەبەریا گشتى ساخلەمیا دهۆک ب هەماهەنگى دگەل سەرۆکاتیا زانکۆیا دهۆک دەسپێکر، دوو تیمێن تایبەت رۆژانە دێ ڤاکسینێ ڤایزەو بۆ قوتابیێن زانکۆیێ بەرهەڤ کەت هە ژ دەمژمێر 11 سپێدێ هەتا 3ى ئێڤارى.
د. ئەحمەد محەمەد ێالح، هاریکارێ سەرۆکێ زانکۆیێ بۆ کاروبارێن کارگێرى و دارایى گۆت"ب سوپاسى ڤە پشتى هەماهەنگى یەکا باش ژلایێ سەرۆکاتیا زانکۆیا دهۆک و رێڤەبەریا گشتى یا ساخلەمیا پارێزگەها دهۆکێ ئەڤرۆ ب خۆشحالى ڤە ل ناڤەندا قوتابیان دوو تیمێن تایبەت ژلایێ وانڤە بەرهەڤبوون ژبۆ ڤاکسیندانا قوتابیى و فەرمانبەر و مامۆستایێن زانکۆیا دهۆک، ئەڤەژى ئێک ژ دەرفەتێن باشە بۆ هەر کەسەکى هەتا نوکە ڤاکسین نەدانابیت، ل ڤێرێ داخازێ دکەم ڤێ دەرفەتێ ژدەست نەدەن و ئەڤ هەوە بۆ ماوێ دوو مەهان یا بەردەوام بیت، ئەگەر مە پێدڤى زانى دێ ڤى ماوەى هێشتا درێژ کەین.
د. سیروان ئەسوەد، گۆت ئەڤ هەوە ژ دوو تیمێن سەرب رێڤەبەریا ساخلەمیا پارێزگەها دهۆکێ پێک دهێت و رۆژانە ژ دەمژمێر 11ێ سپێدێ هەتا 3ێ ئێڤارى دێ ل ناڤ کەپێ زانکۆیێ ئامادەبن، ڤاکسینا ڤایزەر بۆ سەرجەم ستافێ زانکۆیا دهۆک ئامادەکەن بیێ پێشوەخت ناڤێ خۆ توماربکەن تنێ یا سەر وان پێدڤى ئەوە بەلگەنامەکا فەرمى دگەل خۆ بینن.