پتری ٢٠٠٠ قوتابیێن پشکێن ناڤخۆیی فتارە دگەل سەرۆکاتیا زانکۆیا دهۆک کر
April 19, 2022, 9:33 a.m.

 

ئەڤرۆ رێکەڤتی ١٨/٤/٢٠٢٢ و ب ئامادەبوونا سەرۆکێ زانکۆیا دهۆک د. داوود سلێمان ئەترووشی و بەربرسێ لقا ئێک یا پارتی دیمۆکراتی کوردستان رێزدار سەربەست تروانشی و ستافێ ئەکادیمی و کارگێریێ زانکۆیا دهۆک و پتری ٢٠٠٠ قوتابیێن زانکۆیا دهۆک یێن ل پشکێن ناڤخۆیی ئاکنجی، خرڤەبوونەکا خوارنا فتارێ هاتە بەرهەڤکرن.

 

 سەرۆکێ زانکۆیێ بەرێز د. داوود ئەترووشی پەیڤەک پێشکێشکر  و تێدا بخێرهاتنا بەرێز سەربەست تروانشی بەرپرسێ لقا ئێک کر و بۆ قوتابیێن پشکێن ناڤخۆیی راگەهاند "هوین سەنتەرێ هەمی پرۆسێسێن زانستی و کارگێرینە و پێشکەڤتنا هەرێمێ ب هەوە ڤە گرێدایە، پێدڤیە هوین شیانێن خۆ دیاربکەن و ئازادبکەن و ئەم ب هەمی رەنگا پشتەڤانێن هەوەینە"، هەروەسا سەرۆکێ زانکۆیا دهۆک گۆت: "زانکۆیا دهۆک یا بەرەڤ گورانکاریێن کارگێری و زانستی ڤە دچیت، مەرەم پێ پتر خزمەتا هەوەیێن خۆشتڤیە، مە ل پاشەرۆژێ قوتابیەکێ زانا و بەرهەمئینەر و ئاڤاکەر و زانا دڤێت".

 

هەژی گۆتنێ یە ئەڤرۆ رۆژا دووێ بوو سەرۆکاتیا زانکۆیا دهۆک دگەل قوتابیێن پشکێن ناڤخۆیی خرڤەدبیت بۆ خوارنا فتارێ، کو دوهی دگەل پتر ژ ١٥٠٠ قوتابیێن کچ بۆ خوارنا فتارێ خرڤەببوو. گرنگە ژی باسبکەین کو دوهی و ئەڤرۆ پشتی خوارنا فتارێ سەرۆکێ زانکۆیا دهۆک دانوستاندن دگەل قوتابیان ئەنجامدان و پتر نێزیکی کەتوارێ قوتابیان بوو.