ل رۆژا 20/1/2021 ل هوڵا كونفرانسان ب ئامادەبونا سەروكێ زانكۆیێ پرۆفیسۆر دكتۆر مصلح دهۆكێ و ژمارەكا ماموستا و نڤێسەرێن پارێزگەها دهۆك، سەنتەرێ بێشكچی یێ ڤەكولێنێن مروڤایەتی ئێك ژ كارێن خو یێن ڤی ماوەی دا ئەنجام دای راگەهاند ئەوژی ئیمزا كرن و بەلافكرنا 9 پەرتوكێن جودا جودا.
دكتۆر نەشوان شكری عەبدولا رێڤەبەرێ سەنتەرێ بێشكچی بۆ ڤەكولینێن كومەلایەتی گوت" سەنتەرێ بێشكچی ژێدەرەكێ نەتەوەیی وزانست وزانینێ یە، سەنتەرێ بێشكچی ب هاریكاری وپشتەڤانیا بەردەوام یا سەروكێ زانكۆیا دهۆك چەندین چالاكی ئەنجام داینە ژوانا بەلاڤ كرنا ژمارەكا زور ژ نڤیسین وبەلاڤوكا ودیسان وەرگێران چەندین پەرتوكانا ژوانا 10 پەرتوكێن نڤێسەرێ مەزن ئیسماعیل بێشكچی بو زمانێ كوردی و عەرەبی، دیسان گێرانا دوو كونفرانسێن زانستی وكونفرانسێ سێی ژی دێ حەفتیا بهێت هێَتە گێران.
رێڤەبەرێ سەنتەرێ بێشكچی ئەوژی گوت ژی ئەڤرۆ ئەم دێ 9 پەرتوكێن دی بەلافكەین ئەوژی (زانستێن زمانی دەربارەی ستاندەركرنا زاراڤێ كرمانجی ژنڤیسینا ئێزدین ناسو، پارتی گەلی كوردستان ژ نڤیسینا یوسف محمد یوسف، مشاكل استعمالات الحچریە فی مدینە دهۆك ژنڤیسینا مزگین محمد حسن، كێشەیا ویلایەتا مویسل ژ وەرگێرانا ولات توفیق، تقنیات العلاج النفسی باستخدام السایكو دراما ژ نڤیسینا بیار سفر چیچو، البدرخانیون بوصفهم البدرخانیین ژنڤیسینا ئیبراهیم محمود، رەوشەنبیرەك رێكخراوەك وپرسا كوردان وەرگێرنا وەلات توفیق، رەخنەیا جڤاكی د رۆمانێن حەسەنێ مەتێ دا ژ بەرهەڤكرنا بەنگین ئیبراهیم حەمێ، ژدیروكا میرگەها بەهدینان كومەكا ڤەكولینان ل دووڤ بەلگەنامە ودەستنڤیسان.