جڤاتا زانكۆیا دهۆك ل رۆژا 19/7/2017 سەرەدانا كۆلیژا پەروەردێ ل ئاكرێ كر و د ڤێ سەرەدانێ دا دوو تاقیگەهێن پشكێن كیمیا و بایلۆژی یێن كۆلیژا پەروەردێ ژ لایێ سەرۆكێ زانكۆیێ پرۆفیسۆر د. مسلح دهۆكی ڤە هاتنە ڤەكرن.
جڤاتا زانكۆیا دهۆك كو ژ سەرۆكێ زانكۆیێ پرۆفیسۆر د. مسلح دهۆكی و سێ هاریكارێن سەرۆكێ زانكۆیێ و راگرێن كۆلیژێن زانكۆیێ پێك دهێت، گەریانەك ل ناڤ ڤان تاقیگەهان كر, كو ب شێوازەكێ سەردەمیانە بۆ پشكێن كیمیا و بایلۆژی هاتینە چێكرن و كۆژمێ نێزیكی 170 ملیۆن دیناران بۆ كرینا ئامیرێن ناڤ ڤان تاقیگەهان هاتینە مەزاختن, داكو بۆ سالا نوی یا خواندنێ بكەڤنە د خزمەتا قوتابیان دا.
كۆلیژا پەروەردێ ل ئاكرێ سەر ب زانكۆیا دهۆك ڤە یە, ل سالا 2009 ب ناڤێ كۆلیژا پەروەردا بنیات ل ئاكرێ ب دوو پشكێن زانستی هاتبوو ڤەكرن و سال بۆ سالێ بەرفرەه دبیت و نوكە ژ حەفت پشكێن زانستی پێك دهێت و بەردەوام پشكێن نوی لێ دهێنە ڤەكرن داكو پتر خزمەتێن زانستی بگەهینیتە وێ دەڤەرێ.