پشکا کۆمەلناسی ل کولیژا زانستێن مرۆڤایەتی ل زانکۆیا دهۆک، ئەڤرۆ رێکەڤتی ٣ـی نیسانێ ٢٠٢٣ و ب ئامادەبوونا راگرێ کولیژێ د. سەعید خودێدا عەلۆ و قوتابیێن پشکا کۆمەلناسی و هژمارەکا مامۆستایێن کولیژێ، و ب پشتەڤانیا رێڤەبەریا دارستان و پاوانان ل دهۆکێ، د دەستپێشخەریەکێ دا هەوەکا دارچاندنێ ل ناڤ کەمپا زانکۆیێ ئەنجامدا، د ڤێ هەوێ دا ٢٩٤ نەمامکێن داران هاتبوونە تەرخانکرن ژ لایێ رێڤەبەریا ناڤبری ڤە و ئەو نەمامکە ل دەردۆرێن کولیژا زانستێن مرۆڤایەتی هاتنە چاندن.
د. زوبەیده سەید سالح، سەرۆکا پشکا کۆمەڵناسی ل کولیژا زانستێن مرۆڤایەتی ل دۆر ڤێ هەوێ دیارکر "مەرەم ژ چاندنا ڤان داران، بەلاڤکرنا کەلتۆرێ دارچاندنێ و پاراستا ژینگەهەکا ساخلەمە بۆ قوتابیان"، هەروەسا ڤە سوپاسیێن خۆ ئاراستەی رێڤەبەریا دارستان و پاوانان ل دهۆکێ کر بۆ ڤێ پشتەڤانیێ و دەستخۆشیێ ل قوتابی و مامۆستایێن پشکدار کر و هیڤیا راگرتن و پاراستن و پێشڤەبرنا ژینگەها زانکۆیا دهۆك کر.
راگەهاندنا کولیژا زانستێن مرۆڤایەتی؛ ٣ـی نیسانێ ٢٠٢٣
راپۆرت: ئەلند رەمەزان
فۆتۆ: جەلال مەمانی