سەرۆکێ زانکۆیا دهۆک: پێدڤیە پتر گرنگیێ ب زمان و دیرۆک و کەلتۆرێ کوردی بدەین
June 15, 2023, 10:10 a.m.

د چارچۆڤێ کۆمبوونەکێ دا ل گەل پشکەک ژ ستافێ ئەکادیمیێ کولیژا زانستێن مرۆڤایەتی، ل دۆر چەوانیا چالاکترکرنا پشکێن زانستێن مرۆڤایەتی ب مەرەما پێشکێشکرنا خزمەتێن باشتر بۆ جڤاکی و پێشکێشکرنا دەرچوویەکێ ب کوالتیەکا باشتر، ئەڤرۆ رێکەڤتی ١٢ـی نیسانێ ٢٠٢٣، سەرۆکێ زانکۆیا دهۆک د. داود سلێمان ئەتروشی راگەهاند "پێدڤیە کارکرن ل دۆر زمان و دیرۆک و کەلتۆرێ کوردی ببیتە ئارمانجەکا سەرەکیا زانکۆیا دهۆک و فەرە ئەم پتر گرنگیێ پێ بدەین".

د ڤێ روینشتنێ دا، و ب ئامادەبوونا د. سەعید خودێدا عەلۆ راگرێ کولیژا زانستێن مرۆڤایەتی ل زانکۆیا دهۆک و هاریکارێ راگری و هژمارەکا سەرۆک پشکێن کولیژا ناڤبری، سەرۆکێ زانکۆیا دهۆک تەکەزی ل وێ یەکێ کر کو پێدڤیە هەر پشکەکا زانستی د بوارێ بسپۆریا خۆ دا پرۆژە هەبن و وان پرۆژان دەرئەنجام هەبن و خزمەتا جڤاکی بکەن. د بوارێ زانستێن مرۆڤایەتی ژی دا، پێدڤیە پشکێن زانستی یێن تایبەمەند، سالانە پرۆژێن خۆ هەبن و خۆ ل کێشێن سەرەکی د ڤی بواری دا بکەنە خودان، ب تایبەت د بوارێ زمان و دیرۆک و کەلتۆرێ کوردی دا.

ژ لایێ خۆ ڤە راگرێ کولیژا زانستێن مرۆڤایەتی و ستافێ ئەکادیمیێ ئامادەبووی، هژمارەکا هزر و پێشنیازان پێشکێشکرن و دانوستاندن ل دۆر هاتنە ئەنجامدان ب مەرەما وێ یەکێ کو ئەڤ بیرۆکە ببنە پرۆژە و خزمەتا ئارمانجێن ناڤهاتی بکەن.

راگەهاندنا زانکۆیا دهۆک؛ ١٢ـی نیسانێ ٢٠٢٣

فۆتۆ: محەمەد عەبدولکەریم