UOD Press Office; Sep 26, 2022
شاندەکێ بالیۆزخانەیا هۆلەندی ل بەغدا/عیراق، ل دەمژمێرێن دەستپێکی یێن ٢٦ـی ئەیلوولا سالا ٢٠٢٢ـێ سەرا زانکۆیا دهۆک دا. شاند یێ پێکهاتیبوو ژ خانم سیلڤیا هازنبرۆک، جێدی بۆخوم و یاسر کۆتی، دگەل رێزدار هانس فرۆچ راوێژکارێ سەربازی یێ وەزارەتا پێشمەرگە و ب سەرۆکاتیا خانم میریام ڤان رۆدن. خانم ڤان رۆدنێ لدۆر ئەگەرێ سەرەدانا زانکۆیا دهۆک پێشەکیەکا کورت پێشکێشکر و هیڤی خواست پەیوەندیەکا نێزیک د ناڤبەرا هۆلەندا و هەرێما کوردستانێ دا هەبیت.
پاشی دانوستاندنەک لدۆر پشکا ڤەکۆلینێن ئاشتیێ و مافێن مرۆڤی ل کولیژا زانستێن مرۆڤایەتی هاتە ئەنجامدان، پشکداریکرنا ئەکادیمی یا ڤێ پشکێ ل کوردستانێ د ڤی بواری دا جهێ گرنگیدانا شاندێ مێڤان بوو. ژ لایێ خۆ ڤە د. داود سلێمان ئەتروشی سەرۆکێ زانکۆیا دهۆک و هەردوو هاریکارێن سەرۆکێ زانکۆیێ د. لوقمان هادی حەسەن و د. ئەحمەد محەمەد سالح ب گەرمی بخێرهاتنا شاندێ مێڤان کر.