رێڤەبەریا دلنیایی جۆری ل زانكۆیا دهۆك ووركشۆپەك ل ژێرناڤێ (كۆمكرنا داتایێن رێزبەندیا زانكۆیا دهۆك بۆ وەزارەتێ) ل رۆژا 23/5/2021 ل سەنتەرێ رەوشەنبیری و جڤاكی یێ زانكۆیێ بۆ رێكخەرێن دلنیایی جۆری ل كۆلیژێن زانكۆیا دهۆك ئەنجام دا.
ل دۆر ڤی ووركشۆپی د. سەرهات مستەفا رێڤەبەرێ دلنیایی جۆری ل زانكۆیا دهۆك دیاركر كو د ڤی ووركشۆپی دا دووماهی رێنمایێن رێزبەندیا نشتیمانی یێن وەزارەتا خاندنا بلند تێدا هاتنە بەحس كرن كو دوو لژنە ل سەر ئاستێ زانكۆیا دهۆك یێن هاتینە چێكرن لژنەك كو ژ رێكخەرێن دلنیایی جۆری یێن كۆلیژێن زانكۆیا دهۆك پێك دهێت بەرپرسن ژ داتایێن هەر كۆلیژەكی و لژنا دووێ یا سەرپەرشتە كو ژ 10 ئەندامان پێك دهێت و دێ سەرپەرشتیا كۆلیژا كەن و دووپاتیێ ل وان داتایان كەن و دویفچوونا وان كەن.
رێڤەبەرێ دلنیایی جۆری ل زانكۆیا دهۆك هەروەسا گۆت رێزبەندیا نشتیمانی یا چالاكیان بۆ سالا خاندنێ 2020-2021 دێ بتنێ بۆ ئێك سال بیت بەلێ بۆ ڤەكۆلینان دێ بۆ دوو سالان بیت، و رێزبەندیا ڤێ جارێ كو 14 زانكۆ تێدا د پشكدارن دێ ژ ژمارە ئێك هەتا 14 زانكۆیا هێنە دیاركرن دڤێ رێزبەندیێ دا و هەر زانكۆیەكی ل دویف داتایێن وێ دێ رێزا وێ د ڤێ رێزبەندیێ دا دیار بیت و وەكو سالێن پێشتر نابنە گرۆپ.