Opening Ceremony of the Clinic at College of Health Science
Dec. 3, 2018, 9:02 a.m.

ل رۆژا 9/20/2018 كلینكا راوێژكاری یا كۆلیژا زانستێن تەندروستی ل زانكۆیا دهۆك ل ئاڤاهیێ‌ كۆلیژێ‌ ل تاخێ شەهیدان هاتە ڤەكرن كو ئەڤ كلینیكە 10 بسپۆریێن جودا جودا بخۆڤە دگریت.
د رێورەسمێن ڤەكرنێ‌ دا سەرۆكێ زانكۆیا دهۆك پ. د. مصلح دهۆكێ دیاركر كو زانكۆیا دهۆك كلینیكا راوێژكاریا كۆلیژا زانستێن تەندروستی ب پشتەڤانی و هەماهەنگیا ساخلەمیا دهۆكێ ڤەكر، گۆت ژی ئەڤ كلینیكە وەكو پشتەڤانیەكی یە بۆ خەلكێ دهۆكێ ب تایبەتی ژی بۆ خەلكێ كێم دەرامەت هەروەسا بۆ قوتابێن زانكۆیا دهۆك ژی دێ بیتە راهێنانێن پراكتیكی و پێزانینێن خۆ دێ پتر بەرفرەهـ كەن و زانكۆیا دهۆكێ هەردەم گرنگی دایە چالاكیێن ساخلەمیێ.
رێڤەبەرێ گشتی یێ ساخلەمیا پارێزگەها دهۆكێ د. نزار عسمەت دیاركر كو مەرەم ژ ڤەكرنا ڤێ كلینیكێ ئەوە بشێین هندەك خزمەتان پەیدا بكەین ب بهایێن گونجایی بۆ خەلكێ دەڤەرێ یێن قەستا ڤی كلینیكێ‌ دكەن و چارەسەری و پشكنین بۆ بهێنە ئەنجام دان، وەكو هەمی كلینیكێن دێ یێن راوێژكاری.
هاریكارێ‌ راگرێ‌ كۆلیژا زانستێن تەندروستی د. وەلید بەرواری دیاركر كو نوژدارێن بسپۆر د بیاڤێن (ژنان و زارۆكبوونێ، زارۆكان، نشتەرگەریان، دل و هناڤان، خێزانێ، سونارێ‌) یێن ل كلینیكا راوێژكاری یا كۆلیژا زانستێن تەندروستی ل تاخێ شەهیدان هەین و هەمی پێدڤیێن كاری هاتینە دابین كرن بۆ دخزمەتكرنا خەلكێ سەرەدانا وان دكەت.