ده‌ستخۆشی
Oct. 17, 2021, 12:07 p.m.

 

ب ناڤێ‌ سه‌رۆكاتیا زانكۆیا دهۆك، ده‌ستخۆشیێ‌ ل وان مامۆستا و فه‌رمانبه‌رێن زانكۆیا دهۆك دكه‌ین ئه‌وێن سه‌رپه‌رشتی كری و پشكداری ل رێڤه‌برنا پرۆسێسا ده‌نگدانێ دا دگه‌ل كۆمسیونا بلندا سه‌ربه‌خۆیا هه‌لبژارتنان كری، كو رۆله‌كێ كاریگه‌ر هه‌بووی و بشێوه‌كێ رێك و پێك كارێ‌ خۆ ئه‌نجامداین بۆ سه‌رخستنا ڤێ‌ پرۆسێ‌.

رۆلێ‌ مامۆستا و فه‌رمانبه‌رێن زانكۆیا دهۆك یێ‌ پێشچاڤ بوو ل رێڤه‌چوونا ڤێ‌ پرۆسێ‌، كو ژ جارێن بۆری پتر مامۆستا و فه‌رمانبه‌رێن زانكۆیێ‌ تێدا پشكدار ببوون.

دوو باره‌ ده‌ستخۆشیێ‌ لێ‌ دكه‌ین كو پێشه‌نگن د هه‌ر بیاڤه‌كی دا كو پێدڤی پێ‌ هه‌بیت.

سه‌رۆكاتیا زانكۆیا دهۆك
17/10/2021