سەرۆكێ‌ زانكۆیا دهۆك، د. داود سلیمان ئەتروشی، ل رۆژا 8/11/2021 سەرەدانا لقا زانكۆ و پەیمانگەهان یائێكەتیا قوتابیێن كوردستانێ‌ كر، و ژلایێ‌ بەرپرسێ‌ لقێ‌ بەرێز پێشمان رەشید غلبیشی ڤە پێشوازی لێ‌ هاتە كرن.
د روینشتنەكی دا سەرۆكێ‌ زانكۆیێ‌ گۆت " قوتابی پشكەكا گرنگە ل ناڤا زانكۆیێ‌، و یا گرنگە دەنگێ‌ وان بگەهیتە مە، چونكو ئەم هەمی یێ‌ ل زانكۆیێ‌ دا خزمەتا قوتابیان بكەین، و مە دڤێت رۆلێ‌ قەتابیان ل ناڤ زانكۆیێ‌ یێ‌ دیاربیت، و چالاكی هەبن و خزمەتا زانكۆیێ‌ و خزمەتا جڤاكی بكەن، و پێدڤیە فیدباكا قوتابی بگەهیتە زانكۆیێ‌ بۆ هەر كارەكی چونكو یا گرنگە قوتابی گازندا خۆ بگەهینن، یا دشیاندا بیت دێ‌ خزمەتا وان هێتە كرن".
د. داود سلیمان ئەتروشی ئاماژە دا وێ‌ چەندێ‌ ژی كو یا فەرە رێكخراوا ئێكەتیا قوتابیان پەیوەندی دگەل رێكخراوێن جیهانی یێن قوتابیان هەبن، داكو ل دۆر كار و پرۆژە و خزمەتێن ئەو پێشكێش دكەن ئاگەهدار ببن، بەرهەڤیا زانكۆیا دهۆك ژی دڤی بیاڤی دا دیاركر بۆ گرێدانا ڤان جۆرە پەیوەندیان.
پێشمان رەشید، پشتەڤانیا ئێكەتیا قوتابیان بۆ پلانا زانكۆیا دهۆك دەربری ژ بۆ وێ‌ چەندێ‌ خزمەتا قوتابیان بهێتە كرن و فیدباكا قوتابیان بگەهیتە سەرۆكاتیا زانكۆیا دهۆك.