شاندەکێ بۆردێ کوردستان بۆ بسپۆریێن پزیشکى، ب سەرۆکاتیا د. ئاریانا خالێ بەرزنجى، سەرۆکا بۆردى ل رۆژا 7/12/2021 سەرەدانا زانکۆیا دهۆک کر، و ژلایێ سەرۆکێ زانکۆیێ د. داود سلیمان ئەتروشى پێشوازى لێ هاتە کرن، ئەڤ سەرەدانە بۆ ئیمزا کرنا یاداشتەکا لێکتێگەهشتنێ یە، دبیاڤێ رێکخستنا کارى و پتر هەماهەنگیێ دبیاڤێ دابینکرنا بسپۆریێن پزیشکى یێن جودا دا.

د روینشتنەکى دا ب ئامادەبوونا هاریکارێن سەرۆکێ زانکۆیێ و راگرێن کۆلیژێن کۆما پزیشکى و ئەندامێن بۆردى، گەنگەشە ل سەر چەند بابەتێن گرێدایى کارێ هەڤپشک و هەماهەنگیێ هاتە کرن دناڤبەرا زانکۆیا دهۆک و بۆردێ کورردستان بۆ بسپۆریێن پزیشکى.

د. ئەحمەد محەمەد سالح هاریکارێ سەرۆکێ زانکۆیا دهۆک بۆ کاروبارێن کارگێرى و دارایى و راگرێ کۆلیژا پزیشکى ب وەکالەت دیارکر کو مامۆستایێن کۆلیژا پزیشکى ل زانکۆیا دهۆک رۆلەکێ سەرەکى دیتیە ل دامەزراندنا ڤى بۆردى، و بناغێ سەرەکى بوون، و دێ بەردەوام بین د خزمەتکرنا ڤى بۆردى دا داکو سەربگریت و ب سەربکەڤیت.

ل دویف دا یاداشتەکا لێکتێگەهشتنێ هاتە ئیمزا کرن د ناڤبەرا زانکۆیا دهۆک و بۆردێ کوردستان بۆ بسپۆریێن پزیشکى، ژلایێ سەرۆکێ زانکۆیا دهۆک، د. داود سلیمان ئەتروشى، و هەروەسا سەرۆکا بۆردى د. ئاریانا خالێ بەرزنجى، بۆ پتر هەمانگیێ ل دابینکرنا بسپۆریێن پزیشکى ل هەرێما کوردستانێ بگشتى و دەڤەرا دهۆک ب تایبەتى، و سەرۆکێ زانکۆیا دهۆک، لۆگۆیێ زانکۆیێ ژى پێشکێشى د. ئاریانا بەرزنجى کر.