كۆمپانیا كۆرەك تیلیكوم چوار كۆستەر پێشكێشی زانكۆیا دهۆك كرن
June 15, 2023, 10:09 a.m.

ل رێکەڤتی ٣ـی گۆلانێ ٢٠٢٣ ل ناڤەندنا قوتابیان و ب ئامادەبوونا د. دلشاد عەبدولجەبار حەلیم هاریكارێ‌ سەروكێ‌ زانكۆیا دهۆک، عەگید سەعید نوینەر و رێڤەبەرێ‌ كۆمپانیا كۆرەك تیلیكوم، هژمارەک ژ ئەندامێن جڤاتا زانكۆیا دهۆك، كۆمپانیا كۆرەك تیلیكوم چوار كۆستەر پێشكێشی زانكۆیا دهۆك كرن.

هاریكارێ‌ سەرۆكێ‌ زانكۆیێ‌ د. دلشاد عەبدولجەبار حەلیم د پەیڤەكێ‌ باس ل پرۆژێ‌ كێمكرنا قورەبالغا ترافیكێی ل ناڤ كەمپا‌ زانكۆیێ‌ كر و گۆت" هەر ژ دامەزراندنا زانكۆیا دهۆك ،سال بۆ سل هژمارا قوتابیان بەرەڤ زێدەبوونێ‌ یە و بەرفرەهیا كەمپا‌ زانكۆیێ‌ بوویە ئەگەر سەرۆكاتیا زانكۆیا دهۆك هزر د كێمكرنا قەرەبالغا ترافیكێ‌ دا بكەت، ب ئامادەبوونا كۆمپانیا كۆرەك تیلیكوم لژنەك هاتە پێكئینان و ب چەند قۆناغا ڤی كاری دەستپێكر، قۆناغا ئێكێ‌ قەدەغەكرنا هاتنوچوونا ترومبێلێن تەكسی د ناڤ کەمپا زانكۆیێ‌ دا، نوکە ژی تمامكرنا قۆناغا ئێكێ یە،‌ ئەوژی دابینكرنا چوار كۆستەرێن نوی ژ لایێ‌ كۆمپانیا كۆرەك تیلیكوم ڤە بو هاتنوچوونا قوتابی و فەرمانبەران ل ناڤ كەمپا‌ زانكۆیێ‌، دیسان ئامادەكرنا هندەک وێستگەهێن چاڤەرێكرنا كۆستەرا یێن سەردەمیانە هەر ژلایێ‌ كۆمپانیا كۆرەك ڤە، کو ئەڤە جهێ‌ خۆشحالیێ‌ یە کو كۆمپانیا ناڤبری بۆ ئێكەم جار ڤێ‌ جۆرێ‌ پرۆژەی ل گەل زانكۆیا دهۆك ئەنجامددەت".

ژ لایێ خۆ ڤە عەگید سەعید رێڤەبەرێ‌ كۆمپانیا كۆرەك تیلیكوم ل پارێزگەها دهۆكێ‌ د پەیڤەكێ‌ دا باس ل وی پرۆژێ‌ دگەل زانكۆیا دهۆك كر و دیارکر" كۆمپانیا كۆرەك تیلیكوم بزاڤکریە رۆلێ خۆ د کێمکرنا قەرەبالغا ترافیکی د ناڤ کەمپا زانکۆیا دهۆک دا کێمبکەت، مەرەما سەرەكی ژ ڤێ‌ چەندێ‌ پاراستنا ژینگەها زانکۆیا دهۆکە و هەروەسا ئاسانکرنا هاتنوچوونا قوتابی و فەرمانبەرایە، قۆناغا ئێكێ‌ دروستكرنا هژمارەكا وێستگەهێن سەردەمیانە بوو بۆ راوەستیانا قوتابیا و دابینكرنا ترۆمبیلان بۆ هاتنوچوونا قوتابیان ل ناڤ كەمپا‌ زانكۆیێ‌، ژبەركو هەر ژ دامەزراندنا كۆمپانیا ناڤبری ئەركێ‌ وێ‌ خزمەتكرنا خەلكی یە، تایبەت قوتابیان".

راگەهاندنا زانکۆیا دهۆک؛ ٧ـی گۆلان ٢٠٢٣

راپۆرت: جۆڤان سەعید

فۆتۆ: محەمەد عەبدولکەریم