سەرۆکێ زانکۆیا دهۆک راگەهاند: بۆ سالا نوی یا خواندنێ زانکۆیا دهۆک 84 ئاڤاهی بۆ پشکێن ناڤخۆیی ب کرێ گرتینە، هەروەسا دیارکر ژی "د ڤێ ههیڤێ دا 22 راگر و هاریکارێن سهرۆكێ زانكۆیێ دێ دهستبكاربن".
د چاڤپێکەڤتنەکێ دا دگەل رۆژناما ئەڤرۆ، د. داود سلێمان ئەتروشی، سەرۆکێ زانکۆیا دهۆک، باس ل کەتوار و پلانێن زانکۆیا دهۆک بۆ سالا نویا خواندنێ کرن.
دەربارەی ڤەکرنا پشکێن نوی ل کولیژا پەروەردا بنیات ل زانکۆیا دهۆک، سەرۆکێ زانکۆیێ راگەهاند: ئەگەر پهروهردا گشتى داخواز بكهت، كولیژا پهروهردا بنیات یا بهرههڤه و ل گۆرهى داخوازیا پهروهردێ دێ پشكێن خواندنێ هێنه ڤهكرن بۆ سالا نوویا خواندنێ بۆ مامۆستان.
هەروەسا د. داود ئەتروشی دیارکر "مه داخوازا ڤهكرنا كولیژا هونهرێن جوان كریه و ههتا نوكه رازیبوون ل سهر نههاتیه و ههكه رازیبوون ل سهر هات ژى دێ ڤهكرنا وێ چیته سالا داهاتى، بۆ ڤهكرنا پشكا مۆزیكێ ژى مه ههڤدیتن ل گهل مۆزیكژهنێ كوردێ ناڤدار د. دلشاد محهمهد سهعید كریه".
ل دۆر دهواما ئێڤاران، سهرۆكێ زانكۆیا دهۆك بۆ رۆژناما ئەڤرۆ گۆت: "ئهڤ ساله ژى قوتابى ل دهواما ئێڤاران ناهێنه ورهگرتن و دێ ههر سپێدههیان هێنه وهرگرتن".
ل دۆر خواندنا بلند ژى، سەرۆکێ زانکۆیێ خویاکر: ههتا نوكه وهزارهتێ چ دهم دیار نهركرینه بۆ دهستپێكرنا خواندنا بلند و پێدڤیه زانكۆیێ رۆژهكا دیاركرى ههبیت بۆ پێشكێشكرنا خواندنا بلند، و ل گۆرهى شیانێن پشكێن داخواز دكهن و دڤێت پێشتر ئهڤ شیانه بهێنه دیاركرن.
هەروەسا سەرۆکێ زانکۆیا دهۆک دەربارەی دەمێ دەستبکاربوونا راگر و هاریکارێن سەرۆکێ زانکۆیێ دیارکر: د ماوێ هەیڤەکێ دا دێ بابهتێ دانانا راگرێن كولیژا و هاریکارێن سهرۆكێ زانكۆیا دهۆك ئێكلابیت و دێ فهرمانا وان دهركهڤیت کو 22 كهسن.
ل دۆر پشكێن ناڤخۆیى ژى گۆت: "بۆ سالا نوویا خواندنێ 84 ئاڤاهى ب كرێ دهێنهگرتن و ئهڤه ئاریشهكا مهزن بۆ مه دروست دكهت، چونكه هاتن و چوونا قوتابیان ئاریشهیە و ههر ئاڤاهیهك د رهوشهكێ دایه و حوكمهتا ههرێما كوردستانێ سالانه نێزیكى سێ ملیار دیناران كرێیا ئهڤان ئاڤاهیان ددهت و ئهڤه ژى بارگرانیهكا مهزنه".
د. داود سلێمان ئهتروشى ئهو ژى ئاشكراكر "نڤیسارهك بۆ وهزارهتا خواندنا بلند هاتیە رەوانەکرن و پێدڤیێن پشكان بۆ میلاكى و تایبهت ههلگرێن باوەرنامێن ماستهر و دكتورایێ ئهوێن ل وەزارەتێن دی هاتینە دامەزراندن و حهز ههین بهێنه سهر وهزارهتا خواندنا بلند پێشكێشكریه و هێشتا بهرسڤ نههاتیه و هیڤیدارین ئهڤا مه داخواز كرى جێبەجێ ببیت، چونكه مه پێدڤى ب مامۆستایان ههیه".
هەروەسا د. داود ئەتروشی سەرۆکێ زانکۆیا دهۆک ل دویماهیا چاڤپێکەڤتنا خۆ دا ل دۆر ئاریشێن زانكۆیا دهۆك گۆت: كێشا مهیا سهرهكى ل زانكۆیێ كهلتۆرێ كاركرنێ یه، كهلتۆرێ پێدڤى بۆ سازیێن خواندنا بلند ل زانكۆیێن جیهانێ د ناڤ زانكۆیێن كوردستانێ دا نینه و دبینم ئهڤه ئاریشهیە، خهلك فێربوویه كێم دهوامێ بكهت و گەلەک جاران دوو کاران دکەن و كارێ زانكۆیێ ب لاوەکی دبینن و کارێ خۆ یێ دەرڤەی زانکۆیێ ب سەرەکی دبینن. پێشتر ئهڤه نهبوویه و ئهڤه ڤهدگهریت بۆ كاودانێن بهرتهنگێن تێدا دبۆرین کو چاڤ نقاندنهك ههبوویه. گرنگه مامۆستا بزانیت ئهم مامۆستاینه و مه خۆ تهرخانكریه بۆ زانكۆیێ و ئهڤه گهلهك یا قورسه ل دهف هندهك مامۆستایان، مه باوهرى ههیه گوهۆرینا ڤی كهلتۆرى دهم بۆ دڤێت، پێدڤیە بزانین كارێ مه چیه، چونكه ئهم مامۆستاینه و بلندترین جهـ دناڤ جڤاكى دا جهێ مامۆستایه.