راگەهاندنا زانکۆیا دهۆک؛ ٧ـی کانوونا ئێکێ ٢٠٢٢
ب مەرەما پتر رێکخستن و بلندکرنا ئاستێ زەلالیێ د چاڤدێریا داریی دا و لدویڤ داخوازەکا فەرمیا زانکۆیا دهۆک، لژنەکا وەزارەتا خواندنا بلند ب سەرپەرشتیا رێڤەبەرا چاڤدێریا داریی ل وەزارەتێ، سەرەدانا رێڤەبەریا چاڤدێریا دارایی یا زانکۆیا دهۆک کر، کو ئەڤە ئێکەم جارە زانکۆیەکا هەرێمێ ب فەرمی داخوازێ ژ رێڤەبەریا چاڤدێریا دارایی یا وەزارەتا خواندنا بلند دکەت کو سەرەدانا وان بکەت.
دەربارەیی ئەڤێ سەرەدانێ، پەروین عومەر رێڤەبەرا چاڤدێریا دارایی یا زانکۆیا دهۆک، راگەهاند "مەرەما سەرەکی ژ ڤێ سەرەدانێ مفا وەرگرتن بوو ژ سەربۆر و زێدەتر رێکخستن و بلندکرنا ئاستێ زەلالیێ د کارێ رێڤەبەریا چاڤدێریا داریی یا زانکۆیا دهۆک دا، کو ب فەرمی سەرۆکاتیا زانکۆیا دهۆک داخواز ژ رێڤەبەریا چاڤدێریا داریی یا وەزارەتا خواندنا بلند کربوو سەرەدانا رێڤەبەریا مە بکەن".
رێڤەبەرا چاڤدێریا دارایی ل زانکۆیا دهۆک ئەوژی دیارکر "لژنا وەزارەتا خواندنا بلند سەرسامیا خۆ ب کار رێڤەبەریا مە دیارکر و چەندین پێشنیار پێشکێشکرن بۆ پتر پێشڤەبرنەکا کارێ رێڤەبەریا چاڤدێریا داریی".
ژ لایێ خۆ ڤە رێڤەبەرا چاڤدێریا دارایی ل وەزارەتا خواندنا بلند، چنار مەهدی، خۆشحالیا خۆ ب ئەڤێ سەرەدانا ل سەر داخوازیا سەرۆکێ زانکۆیا دهۆک دەربڕی و سوپاسیا سەرۆکێ زانکۆیا دهۆک کر و راگەهاند "ئەڤە ئێکەم جارە سەرۆکێ زانکۆیەکێ ب فەرمی داخوازێ ژ رێڤەبەریا چاڤدێریا دارایی یا وەزارەتا خواندنا بلند بکەت سەرەدانا رێڤەبەریا چاڤدێریا دارایی یا وێ زانکۆیێ بکەن". سەرۆکا لژنێ ئەوژی دیارکر "پشتی دەستبکاربوونا د. داود سلێمان ئەتروشی وەکو سەرۆکێ زانکۆیا دهۆک، بزاڤ بەردەوام دهێنە کرن کو ئاستێ زەلالیێ د کاروبارێن کارگێری و داریی بلندتر لێبهێت و کارەکێ گەلەکێ باش ل رێڤەبەریا چاڤدێریا دارایی بۆ ئەرشیفکرن و هویربینیکرنا داتایان ل سەرۆکاتیا زانکۆیا دهۆک و پاشان ل کولیژێن زانکۆیا دهۆک هاتیە ئەنجامدان".
دهێتە زانین ل ٤ـی کانوونا ئێکێ ٢٠٢٢، لژنەکێ ژ رێڤەبەریا چاڤدێریا دارایی یا وەزارەتا خواندنا بلند، ب سەرپەرشتیا چنار مەهدی، رێڤەبەرا رێڤەبەریا ناڤبری سەرەدانا رێڤەبەریا چاڤدێریا دارایی یا زانکۆیا دهۆکێ کر، کو پێشتر سەرۆکێ زانکۆیا دهۆک د. داود ئەتروشی ب فەرمی داخواز ژ لژنا چاڤدێریا داریی کربوو سەردانا سەرۆکاتیا زانکۆیا دهۆک بکەن.