پاراستنا دەڤ وددانان و هوشیاركرنا زارۆیێن ل ڤی سەنتەری ئێك ژ مەرمێن ڤێ سەرەدانا رۆژا 10/10/2018 ئەوا كۆلیژا پزیشكیا ددانان ل زانكۆیا دهۆك بۆ قووناغا پێجێ ل گەل راگر و سەرۆك بەش و مامۆستایێن ڤێ كولیژێ رێكخستی.
د. بهار جەعفەر راگرا كۆلیژا پزیشكیا ددان ل دور ڤێ سەرەدانێ گۆت قوتابیێن قووناغا پێنجێ هژمارا وان 30 قوتابی نە مە سەرەدانا ڤی سەنتەری كریە كو ئەڤە نە سەرەدانا ئێكێ یە بەلكو گەلەك سەرەدان و چالاكیێن مەیدانی مە كرینە بۆ سەنتەر و قوتابخانە و كەمپێن ئاواران مەبەستا مە هوشیاركرنا هەمی جڤاكی یە ل سەر چاوانیا پاراستنا دەڤ وددانان.
راگرا كۆلیژێ ئەوژی گوت ژبەر كو ئەو زارۆیێن نەخۆشیا ئوتیزمێ هەین پێدڤی پتر هوشیاركرنێ نە لەوا ئەڤ سەرەدانە مە ب فەر دیت وانان بدەینە ڤان زارۆكان ل سەر چاوانیا پاراستنا ددانان، هەروەسا كۆمپانیا سپلات سپۆنسەریا مە كریە ئەوژی رابووینە ب دابینكرنا فرچە و مەعجینێن تایبەت ب زارۆكان ڤە و سەر وان بهێنە دابەشكرن و قوتابیێن مەژی وانا بێژنە ڤان زاروكا ل سەر چاوانیا پاراستن و ساخلەمیا دەڤ و ددانان.