جڤاتا زانكۆیا دهۆك ل رۆژا 7/12/2017 سەرەدانا پێشمەرگێن قەهرەمان ل سحێلا كرن و ژ لایێ سەرپەرشتێ میحوەری فەریقێ ئێكێ بابەكر زێباری و سەرۆك ئەركانێن پێشمەرگێ كوردستانێ فەریق جەمال ئێمینكی و فەرماندە شێخ عەلی ڤە پێشوازی لێ هاتە كرن.
د دیدارەكی دا سەرۆكێ زانكۆیا دهۆك پرۆفیسۆر د. مسلح دهۆكی پەسنا قارەمانیێن پێشمەرگێ قارەمان كر و بەحسێ داستانێن وان كر ل هەمبەری تیرۆرستێن داعش و هەروەسا حەشدا شەعبی و گۆت مللەتێ كورد یێ سەربلندە ب ڤان بەرخودانێن پێشمەرگەی.
فەریقێ ئێكێ بابەكر زێباری بەحسێ لەشكەركێشیا ڤێ دووماهیێ یا حەشدا شەعبی یا عیراقی كر و گۆت د پلانان وان دابوو كو هەمی دەستكەفتێن هەرێما كوردستانێ ب دەستڤەئیناین دەستێ خر ب داننە سەر و ب كەڤنە ددەستێن وان دا و رێیا سەرەكی یا كوردستانا كوردستانا باشور و رۆژئاڤا ژێك بهێتە جوداكرن و بگەهنە خالا سنۆری یا ئیبراهیم خەلیل، بەلێ پێشمەرگێ قەهرەمان رێ ل هەمبەری ڤان نیازێن وان یێن خراپ گرتن و نەهێلان بكەڤنە د ناڤا هەرێما كوردستانێ دا.
فەریقێ ئێكێ بابەكر زێباری هەروەسا بەحسێ حەشدا شەعبی كر و دیاركر كو ئەڤ ژ 122 هزار كەسان پێك هاتیە بەلێ هەمی نە ل گەل ئێكن و چەندین كۆمێن ژێك جودانە و نە د ڤەهرێكن ل گەل ئێك بێ ئارمانج یێن هاتینە پێكئینان، بەلێ پێشمەرگێ قەهرەمان ئارمانجا وان پاراستنا ئاخ و سەروەریا هەرێما كوردستانێ یە و رویرئێخستنا وێ ژ دەستێن دۆژمنان.
سەرۆكێ زانكۆیا دهۆك هەروەسا بەحسێ وێ كارەساتێ ژی كر یا حەشدا شەعبی ل توزخرماتو ئینایە ب سەرێ خەلكێ وێ دەڤەرێ و دیاركر كو ئەو كارێ وان ئەنجام دایی كین و كەربا وان بەرامبەر كوردان دیاربوو، بابەكر زێباری ژلایێ خۆڤە گۆت ژ بەر ڤێ دەست درێژیا وان پێشمەرگەی بریار دا كو رادەك بۆ كریارێن وان بهێتە دانان و ئەڤ زولما وان قەبیل نەكر.
فەریقێ ئێكێ بابەكر زێباری ئەو ژی دیاركر كو هەكە هێزێن هەڤپەیمانان هێلابان فرۆكێن لەشكەر یێن عیراقی هاتبانە راكرن دا ل باژێران ژی دەن چونكو ل هەمی جهێن كوردستانێ پێشمەرگە یێن هەین.
فەریق جەمال ئێمینكی ژی دیاركر كو نوكە هەر دوو حەفتیان جارەكێ وان كۆمبوون یا ل گەل هێزێن هەڤپەیمانان هەی، بەلێ د كۆمبوونێن وان دا ل گەل لەشكەرێ عیراقێ ئەو وەسا سەرەدەریێ دكەن كو یێ سەركەفتی و یێ نەسەركەفتی د شەری دا و غرورێ ئەو یێن گرتین.