A workshop about the strategic plan for providing water for IDP at UoD
July 1, 2018, 8:43 p.m.

ل رۆژا 28/6/2018 زانكۆیا دهۆك كۆلیژا پلاندانان جهەكی و زانستێن كارەكی ب هەڤكاری دگەل (giz) و هەڤكاریا ئەلمانی وورك شۆپەك ل دۆر پلانا ستراتیژیا ئاڤێ‌ بۆ كەمپێن ئاوارە و پەنابەران ل پارێزگەها دهۆكێ‌ سازكر.
د پەیڤا دەسپێكا وورك شۆپی دا سەرۆكێ‌ زانكۆیا دهۆك پرۆفیسۆر د. مصلح دهۆكی بەحسێ‌ گرنگیا ئاڤێ‌ كر و گۆت د كەڤن دا و نوكە و بۆ ئایندەی ژی ئاڤ ژ گرنگترین ژێدەرێن سرۆشتی یە بۆ مرۆڤی، ژ بەر گرنگیا وێ‌ بۆ ژیانێ‌، لەورا د هەمی سەردەمان دا هەڤركی ل سەر بدەستڤەئینانا ئاڤێ‌ هەبوویە و ل هەر سەردەمەكی ئەڤ هەڤركیە ل گورەی پێدڤیا وی دەمی بوویە، هەروەسا گۆت روژهەلاتا ناڤین ب گشتی و ئەڤ دەڤەرە ب تایبەتی یا د قووناغەكی دا دەرباز دبیت كو دڤێت د ڤێ‌ قووناغێ‌ دا پاراستنا ژێدەرێن ئاڤێ‌ بهێتە كرن ئەگەر نە دێ‌ مەترسیا پەیدابوونا بێ‌ ئاڤیێ‌ ب سەر دا هێت ب تایبەت ل ڤان سالێن دووماهیێ‌ رۆژ بۆ رۆژێ‌ ژێدەرێن ئاڤێ‌ پتر گرنگی یا پێ‌ دهێتە دان.
د. نەسرین بەرواری مامۆستایا زانكۆیا دهۆك كو دگەل تیمەكێ‌ زانكۆیێ‌ دویفچوون ل سەر 15 كەمپێن ئاواران كریە و 900 سەمپل وەرگرتینە دیاركر مەرەم ژ ڤێ‌ دیفچوونا وان ئەوە كو هژمارەكا زۆرا ئاوارە و پەنابەران قەستا پارێزگەها دهۆكێ‌ كریە كو ل دویف پلانان ئایا هەتا چەند سالێن دیتر ئەگەر رەوش ب ڤی رەنگی بیت وان ئاریشێن ئاڤێ‌ نابن، گوت ژی د چارچووڤێ‌ ڤێ‌ دویچوونێ‌ دا هەتا نوكە ل كەمپێن ئاواران ئاڤ نەبوویە ئێك ژ ئاریشێن وان.
د. نەسرین بەرواری ئەو ژی دیاركر كو ژ 172 هزار ئاوارە و پەنابەران ئەوێن تیمێ‌ وان سەرەدانا وان كرین پشتی پێنج سالێن دیتر ل دیف ستاندارتان دێ‌ بنە 204 هزار، هەكە پشتبەستنێ‌ ل سەر ژێدەرێن ئاڤا نوكە بكەن دێ‌ پێدڤی ب چێكرنا 24 بیرێن نوی یێن ئاڤێ‌ بن داكو پێدڤیا وان پێ‌ بهێتە دابین كرن.
ل دووماهیا ڤێ‌ وورك شۆپێ‌ ژی گەنگەشە ل سەر ناڤەرۆكا بابەتی ژ لایێ‌ ئامادەبوویان ڤە هاتە كرن و بۆچوون و نێرینێن خۆ ل دۆر بابەتی دیاركرن.