ب بەرهەڤبوونا سەرۆكێ زانكۆیا دهۆك (پ.د.مسلح محەمەد سەعید) و چەندین مامۆستایێن زانكۆیێ و رەوشەنبیر و سیاتمەداران، سەنتەرێ ئاشتی و چارەسەریا ململانێ ل زانكۆیا دهۆك دگەل بزاڤا ئاشتیا نافخۆ رابوون ب ئەنجامدانا پەنەلەكی لژێر ناڤێ (خواندنەك ئاشتیانە بۆ ریفراندۆما سەربەخۆیا هەرێما كوردستانێ) ل سەنتەرێ رەوشەنبیری و چڤاكی یێ زانكۆیێ.
لدەسپێكێ سەرۆكێ جڤاتا ئاشتیا نافخۆ ل دهۆكێ (د. رەشید فندی) بخێرهاتنا مێڤانان كر و دووڤدا سەرۆكێ زانكۆیا دهۆك (د. مسلح محەمەد سەعید) بەحسی ل گرنگیا ئاشتیێ كر و هەبوونا پێكڤە ژیانا ل دەڤەرێ هەیی و ب تایبەت پشتی شەرێ داعشێ، كۆ ئاشتیەكا هەرە بەرچاڤ ل هەرێما كوردستانێ دیار بوویە.
ڤی پەنەلی چوار تەوەر بخوڤە گرتن بوون و ژلایێ خانم (زەكیا سەید سالح) ڤە هاتنە پرێڤەبرن.
د روونشتنا ئێكێ دا، تەوەرێ ئێكێ لژێر ناڤێ (ئاشتیا نافخویی و باندۆرا وێ لسەر دەستكەفتێن سیاسی) ژلایێ (د. رەشید فندی) سەرۆكێ جڤاتا ئاشتیا نافخۆ ل دهۆكێ هاتە بەحسكرن، تەوەرێ دوویێ لژێر ناڤێ (ریفراندۆم وەك رێكەكا ئاشتیانە بۆ چارەسەركرنا پرس گرێكا) ژلایێ (د. نازم یونس) مامۆستایێ زانكۆیا دهۆكێ ڤە هاتیە بەحسكرن.
دروونشتنا دوویێ دا، تەوەرێ ئێكێ (ریفراندۆم وەك رێكەك بۆ چارەسەركرنا پرسگێریكێن هەرێمایەتی) ژلایێ (د. بەیار مستەفا) مامۆستایێ زانكۆیێ ڤە هاتە بەحسكرن، تەوەرێ دوویێ ژی (كارڤەدانێن هەرێمایەتی لسەر ئەنجامێت ریفراندۆمێ) ژلایێ (م. عەلی ئورەماری) ئەندامێ سەرۆكاتیا بزلڤا ئاشتیا نافخو ل دهۆكێ هاتە بەحسكرن.
راگەهاندنا زانكۆیا دهۆك: هەلز عەلی سەلیم