A delegation from Sennah University visited UoD
April 30, 2017, 3:36 p.m.

سەرۆكێ‌ زانكۆیا دهۆك پ. د. مسلح دهۆكی پێشوازی ل شاندەكێ‌ زانكۆیا كوردستان ل سنە ل رۆژهەلاتێ‌ كوردستانێ‌ كر.

شاندێ‌ زانكۆیا سنە یێ‌ پێكهاتی بوو ژ د. حەسەن بورانی هاریكارێ‌ سەرۆكێ‌ زانكۆیێ‌ بو كاروبارێن زانستی و د. ئوسمان عەزیزی هاریكارێ‌ سەرۆكێ‌ زانكۆیێ‌ بو كاروبارێن قوتابیان كو دپشكدار بوون د كۆنفرانسێ‌ نێڤدەولەتی یێ‌ كۆلیژا ئەندازیاری یێ‌ زانكۆیا دهۆك ئەوێ‌ ل رۆژێن (26 و 27) نیسانێ‌ ل هۆلا كۆنفرانسان هاتیە بەستن، سەرەدانا وان بۆ لایێ‌ سەرۆكێ‌ زانكۆیا دهۆك بۆ پتر بهێزخستنا پەیوەندیانە د ناڤبەرا ڤان هەردو زانكۆیان دا هەروەسا ل پاشەرۆژێ‌ ئەڤ پەیوەندیە بچنە دبیاڤێ‌ ئیمزاكرنا رێككەفتنان دا.

شاندێ‌ زانكۆیا كوردستان ب رەنگەكێ‌ فەرمی سەرۆكێ‌ زانكۆیا دهۆك داخاز كر كو سەرەدانا زانكۆیا كوردستان و زانكۆیێن دی یێن رۆژهەتێ‌ كوردستانێ‌ بكەت، سەرۆكێ‌ زانكۆیا دهۆك ل سەر ڤێ‌ داخازا وان رازیبوو و دەمەك دێ‌ هێتە دیاركرن بۆ ڤێ‌ سەرەدانێ‌.