شاندەکێ ئاژانسا ڤەکولینێن نیڤدەولەتی سەردانا زانکویا دهوک کر
March 2, 2021, 9:11 a.m.

ئەڤرو ل روژا دووشەمبی رێکەفتی ٢٠٢١/٣/١ ب ئامادەبوونا رێڤەبەرێ سەنتەرێ ڤەکولینێن جینوسایدێ د. سالم جاسم و رێڤەبەرێ سەنتەرێ بێشکچی بو ڤەکولینێن مروڤایەتی د. نەشوان پێشوازی ل شاندەکێ ئاژانسا لێکولینێن نیڤدەولەتی بو جینوسایدا ئێزدیان یێ سەر ب نەتەوەیێن ئێگرتی ڤە ب سەرپەرشتیا (ایکارت شیواك و خانم کارولاین) کر ل ئوفیسا سەنتەرێ ڤەکولینێن جینوسایدێ. د ئەڤێ روونشتنێ دا د. سالم و د. نەشوان چالاکیێن هەردوو سەنتەران ل دۆر جینوسایدا ئێزدیان شروڤەکرن یێن د سێ سالێن بوری دا ئەنجامداین و نوکە سەنتەرێ ڤەکولینێن جینوسایدێ شیایە سەرکەفتیانە جینوسایدێن ئەنفالێ و یا ئێزدیان دوکیومێنت بکەت. هەروەسا چەندین پروژە هاتنە گەنگەشکرن کو د داهاتی دا دێ ب هەماهەنگی دناڤبەرا هەردوو لایان هێنە ئەنجام دان، ژ وان پروژان، وەرگێرانا پەرتووکا ماموستا داود ختاری (جينوسايد الإيزيدية) بو زمانێ ئنگلیزی. و بکارئینانا دوکیومێنتێن جینوسایدا ئێزدیان یێن سەنتەرێ ڤەکولینێن جینوسایدێ شیاین ب دەستڤە بینن وەك بەڵگە د دادگەهکرنا تیرورستێن داعش دا و د دا پێدانا جینوسایدا ئێزدیان دا