| وهزیرێ خواندنا بلند و ڤهكولینێن زانستی: "ململانا زانستی و پێشئێخستنا كادرێ فێركرنێ ژ ئیستراتیجیهتا وهزارهتێ نه"
د بهردهوامیا سهرهدانا "د.دلاوهر عهلائهددین" وهزیرێ خواندنا بلند و ڤهكولینێن زانستى بۆ دهڤهرا بادینان، ئهڤرۆ ل رێكهفتى 7/2/2010 ل دهمێژمێر 9 سپێدێ ل هولا خانى سهروكاتیا زانكویا دهوك وهزیرێ خواندنا بلند د گهل جڤاتا زانكۆیا دهۆك و سهرۆك بهشێن زانستى كوم بوو.
"د.دلاوهر" ل دهسپێكا پهیڤا خو چهند بابهت بهحسكرن "ژ وانا ئیستراتیجیهتا وهزارهتا خواندنا بلند، دڤێ ئستراتیجهتێ دوپاتى لسهر ململانێ زانستى د ناڤبهرا زانكویێن كوردستانى دا هاتیه كرن، دێ سهربهخویا زانكویان ب ئالیهتهكا نوى و دیموكراسى بیت".
ههروهسا وهزیرێ خواندنا بلند دیاركر، كو "ئهڤ سهربهخویه ب ساناهى ناهێت بهلكو چهند سال مه دڤێن بۆ ئهنجامدانا ڤێ سهربهخویێ، دیسان بۆ ڤێ ئیستراتیجهتیێ دێ ههیكهلهكێ نوى بو زانكویان هێته دانان، بهلكو ماموستا و قوتابى و خهلكێ باژێرى ژى دێ تێدا پشكدار بیت، د سالا ئێكێ دا ئهڤ ههیكهله دێ هێته دارێژتن و سالا دى هێته بكارئینان ئانكو زانكویێن ههرێمێ دێ سهربهخوییا خو ههبیت، بهلێ ل ژێر چاڤدێریا وهزارهتێ دێ ئهڤ سهربهخویا ب رێڤهچیت".
ل دوماهیا ئاخفتنا خودا وهزیرێ خواندنا بلند ب كورتى بهحسى دوو خالان كر، یا ئێكێ "فێركرنا پێشكهتى، ئانكو ب كارئینانا رێكێن نوى بۆ وانهگوتنێ، كو نهخشهكێ نوى ژ لایێ وهزارهتێ ڤه هاتیه دارێژتن بۆ ڤى كارى و سالا بهێت، ئهڤ نهخشه دێ ب تهمامێ هێته بكارئینان".
خالا دووێ، هنارتنا ماموستایێن زانكۆیێ بۆ دهرڤهى وهلاتى، وهزیرێ خواندنا بلند دیاركر، كو ههمى ماموستایێن زانكویێ دێ ژ لایێ وهزارتێ ڤه هێنه هنارتن بۆ دهرڤهى وهلاتى بۆ ماوهى 6 ههیڤان تا سالهکێ،بڤێ چهندێ تێكهلیا ماموستایێن زانكویێ دگهل سیستهمێن نویێ خواندنێ دى پهیدا بیت.
ل دوماهیێ رونشتنێ وهزیری خواست گوهدانا راو بوچون وپێشنیارێن ماموسایێن زانكۆیێ بیت كو تێدا چهندین ماموستا رابوون و پێشنیار كرن وبوچونێن خۆ گههاندنه وهزیری.
