هژمارا خواندنا: 1315 | دوماهيك گوهارتن: 2012-01-29 03:49:43 | 
|
|
2012-01-26
فاکولتیا چاندن و دارستانێ دێ کونفرانسێ خو یێ زانستى یێ ئێکێ گێریت
فاکولتیا چاندن ودارستانێ ل زانکۆیا دهۆک دێ رابیت ب سازدانا کونفراسێ چاندنێ یێ زانستیێ ئێکێ ل 10-12/4/2012.
ل دور ڤى بابەتى دکتور رفائیل شلیمون ئەندامێ لێژنا رێکخستنا کونفرانسى گوت: زانکۆیا دهۆک ب هەڤکارى دگەل وەزارەتا خواندنا بلند وڤەکولینێن زانستى وپشتەڤانیا پارێزگەها دهۆکێ ل 10هەتا 12 نیسانا 2012 دێ کونفراسێ زانستیێ چاندنێ یێ ئێکێ ئەنجام دەت، ڤى کونفرانسى پروگرامێن جودا جودا بخوڤەگرتیە ژوانا وەرگرتنا ڤەکولینێن زانستى ل سەر ئاستێ نافخویى ودەرڤە.
ئەندامێ لیژنێ ل دور وەرگرتنا ڤەکولینان گوت: هەتا 1/1/2012 ڤەکولین هاتینە پێشکێش کرن کو بوینە 94 ڤەکولین ژ زانکۆیێن (دهوک ـ سەلاحەدین ـ سلێمانى ـ کەرکوک ـ مویسل ـ کوفە ـ ئەنبار) و گەلەک زانکۆیێن دى ل عیراقێ، و ژ دەرڤەى عیراقێ ڤەکولین ل (مسرێ وئیرانێ وپاکستانێ) هاتینە پێشکێش کرن.
ل دور دیارکرنا وان ڤەکولینێن دێ هێنە وەرگرتن گوت: ئەڤ ڤەکولینە دێ هێنە هەلسەنگاندن ژلایێ لیژنەکا بسپور ول 1/3/2012 دێ ئەنجامێن ڤەکولینا هێنە راگەهاندن، وپشتى کونفرانس ب دویماهیک دهێت دێ ڤەکولینێن باش ل ژمارەکا تایبەت یا گوڤارا زانستى یا زانکۆیێ دا هێنە بەلافکرن.
ل دور تەوەرن ڤان ڤەکولینا د.رفائیل گووت: بابەتێن ڤان ڤەکولینا هەشت تەوەرا بخوڤە دگرن ژوانا ئەندازیاریا باخچان، زانستێ گیانەوەر وپەلەوەران، دارستان ورێڤەبرنا چەروانا وژینگەهێ، نەخوشیێن رووەکى وزانستێ مێشومورا، بەرهەم ئینان ورێڤەبرنا دەرامەتێ زەڤیا، رێنیشاندانا چاندنێ، چاندنا ئەنسجێت رووەکى.
ل دوماهیێ ئەندامێ لژنا رێکخستنا کونفراسى گووت: د بەرنامێ فاکولتیێ دا یە ئەڤە ببیتە پروژێ فاکوتیێ دا کو ببیتە کونفرانسەکێ سالانە.
