150 ماموستایێن توركی سه‌ره‌دانا زانكۆیا دهۆك دكه‌ن

بۆ بهێزكرنا په‌یوه‌ندیێن دوو قولی د ناڤبه‌را زانكۆیێن هه‌رێما كوردستانێ شانده‌كێ مه‌زن یێ ماموستایێن زانكۆیێن توركی سه‌ره‌دانا زانكۆیا دهۆك كرن كۆ پێكهاتی بوون ژ 4 سه‌رۆك زانكۆیێن توركی و 150 ماموستا ژ زانكۆیێن توركی و بیانی.

ل خالا سنوری یا هه‌رێما كوردستانێ ئیبراهیم خه‌لیل هاتنه‌ پێشوازیكرن ژ لایێ هاریكارێ سه‌رۆكێ زانكۆیا دهۆك بۆ كارۆبارێن په‌یوه‌ندیان "د. داوود سلێمان ئه‌ترۆشی" و رێڤه‌به‌رێ خالا سنوری رێزدار "حه‌مید عه‌لی" ول پارێزگه‌ها دهۆك هاتنه‌ پێشوازیكرن ژلاێ سه‌رۆكێ زانكۆیا دهۆك و هاریكارێن وی و راگر و ماموستایێن زانكۆیێ.

ڤی شاندێ مه‌زن سه‌ره‌دانا كولیژێن سه‌ر ب زانكۆیا دهۆك كرن و ژ نێزیك په‌یوه‌ندی ب ماموستا وقوتابیان كرن ول ده‌مێ نیڤرۆ ئاماده‌ی یاریه‌كا ڤولی بولێ بوون ل هولێن داخستی یێن كولیژا په‌روه‌ردا وه‌رزشی.

ل ده‌مێ ئێڤاری 150 ماموستایێن توركی هاتنه‌ ناڤ باژێری و بازارێن پارێزگه‌ها دهۆك وخوشحالیا خۆ ده‌ربیری ب ڤێ پێشوازیكرنێ و رێزا ل وان هاتیه‌ گرتن ژ لایێ ماموستایێن زانۆیا دهۆك و خه‌لكێ هه‌رێما كوردستانێ.