"شانویا كوردی ل ده‌ڤه‌را بادینان"

د به‌رده‌وامییا وه‌رگرتنا باوه‌رنامێن بلند ل كۆلیژا ئادابێ "ل روژا سێ شه‌مبی رێكه‌فتی(26/1/2010) ل هۆلا بنگه‌ هێ روشنبیری و جڤاكیێ زانكۆیا دهۆك ل ده‌مژمێر (9)ی سپێدێ گه‌نگه‌شه‌ هاته‌كرن بۆ ناما ماسته‌رێ یا قوتابی(مكنون محمد تاهر) یا لژێر ناڤێ "دانوستادن دشانویا كوردیدا ل ده‌ڤه‌را به‌هدینان".

دڤه‌كولینا ناڤبریدا به‌حسێ كورتییه‌ك ژ مێژوویا دراما جیهانی و مێژوویا درامایا باشوورێ كوردستانێ هاته‌ كرن، ب كورتی به‌ حسێ ره‌گه‌زێن ده‌قێ درامایێ ‌کرن، لێ ژبه‌ر پێدڤیاتیا بابه‌تی لایه‌نێن ته‌كنیكا دیالووگێ ب به‌رفره‌هی هاته‌ به‌حس كرن.

هه‌ر لدور گرنگیا ڤه‌كولینا بابه‌تێ درامایێ، بابه‌ته‌كه‌ كو ل باشوورێ كوردستانێ ب گشتی و ل ده‌ڤه‌را به‌هدینان ب تایبه‌تی وه‌كو پێویست نه‌ كه‌ڤتیه‌ به‌ر ڤه‌كولینێن زانستی_ئه‌كادیمی، هه‌رچه‌نده‌ به‌ری نوكه‌ چه‌ند ڤه‌ كولینێن زانستی_ئه‌كادیمی دبوارێ درامایا كوردیدا هاتینه‌ ئه‌نجامدان به‌لێ چ ژوان ڤه‌كولینا دیالووگ نه‌كریه‌ بابه‌تێ سه‌ره‌كی بۆ ڤه‌كولینێ، د ڤێ ڤه‌كولینێدا لایه‌نێن ته‌كتیكیێن دیالۆگێ د ده‌قێن ده‌ڤه‌را به‌هدیناندا هاتینه‌ دیاركرن.

پشتی دان وستاندن ل سه‌ر ڤه‌كولینا ناڤبری هاتیه‌ كرن لدویڤ هه‌لسه‌نگاندن وبریارێن لیژنا بسپور و تایبه‌تمه‌ند بریار هاته‌ دان پلا ماسته‌رێ ب قوتابی (مكنون محمد) بهێته‌ دان.

هه‌ژیه‌ بێژین كو ئه‌ڤ ناما ماسته‌رێ ب سه‌ ر په‌رشتیا(د.ابراهیم احمد سمو) بو بسپور دبیاڤێ درامایێ دا ل كولیژا ئادابێ.