وه‌رگرتن ل کۆلیژان

زانكۆیا دهۆك ڤان كۆلیژان ب خوڤه‌‌دگریت:-

• كۆلیژا پزیشكی.
• كۆلیژا پزیشكی ددان.
• كۆلیژا ده‌رمانسازی.
• كۆلیژا پزیشكی ڤێته‌رنه‌ری.
• كۆلیژا ئه‌ندازیاری: ڤان به‌شان ڤه‌دگریت: شارستانی/ژێده‌رێن ئاڤێ/ته‌لارسازی/كاره‌با و كۆمپیوته‌ر .
• كۆلیژا یاسا و رامیاری: یاسا.
• كۆلیژا زانست: ڤان به‌شان ڤه‌دگریت:
• فیزیك/ماتماتیك/زینده‌وه‌رزانی/كیمیا/زانستێ كۆمپیوته‌ر.
• كۆلیژا په‌روه‌ردێ ل زاخۆ: ڤان به‌شان ڤه‌دگریت: فیزیك/ ماتماتیك/زانستێ كۆمپیوته‌ر/زینده‌وه‌رزانی/كیمیا/زمانێ كوردی/زمانێ ئینگلیزی/مێژوو/زمانێ عه‌ره‌بی/په‌روه‌ردا ده‌روناسی.
• كۆلیژا په‌روه‌ردێ ل ئاكرێ: ڤان به‌شان ڤه‌دگریت: فیزیك/ ماتماتیك/زانستێ كۆمپیوته‌ر/زینده‌وه‌رزانی/كیمیا/زمانێ كوردی/زمانێ ئینگلیزی/مێژوو/زمانێ عه‌ره‌بی/په‌روه‌ردا ده‌روناسی.
• كۆلیژا په‌روه‌ردا بنیات: ده‌رچوویێن ڤان كۆلێژان ل قوتابخانێن بنه‌ره‌ت وه‌ك مامۆستایێن زانكۆیی (معلم جامعی) دهێنه‌ دامه‌زراندن. ڤان به‌شان ڤه‌دگریت: زمانێ كوردی/ زمانێ ئینگلیزی/ماتماتیك/زانستێن كۆمه‌لاَیه‌تی/باخچێ زارۆان/زانستێن گشتی.
• كۆلیژا كارگێری و ئابووری: ڤان به‌شان ڤه‌دگریت: كارگێری /ئابووری/ ژمێریاری/ زانستێن دارایی و بانك.
• كۆلیژا چاندنێ: ڤان به‌شان ڤه‌دگریت: به‌رهه‌مێ گیانه‌وه‌ر/دارستان/بیستانكاری/ خاك و ئاڤ/ پاراستنا رووه‌ك.
• كۆلیژا ئاداب: ڤان به‌شان ڤه‌دگریت: زمانێ كوردی/ مێژوو /جوگرافیا /زمانێ ئینگلیزی/شانۆ.
• كۆلیژا په‌روه‌ردا وه‌رزشی.
• كۆلیژا بازرگانی ل زاخۆ: ان به‌شه‌ ڤه‌دگریت :زانستێن بازرگانی و بانكی.
• كۆلیژا په‌رستاری.
• كۆلیژا خواندنێن ئێڤاران:ڤان به‌شان ڤه‌دگریت: یاسا (ئێڤاران)/زمانێ ئینگلیزی(ئێڤاران)/كوردی (ئێڤاران)/مێژوو (ئێڤاران)/كارگێری كار (ئێڤاران) /ژمێریاری(ئێڤاران)/كۆمپیوته‌ر (ئێڤاران).
  

 

مه‌رج و رێنمایێن وه‌رگرتنێ:-

ئه‌و قوتابیێێ ل زانكۆ دهێته‌ وه‌رگرتن، پێدڤیه‌ ئه‌و مه‌رجێن خوارێ بجه بینیت:

ئێك: خودانێ ره‌گه‌ز ناما عیراقی بیت.

دوو: باوه‌رناما خواندنێن ئاماده‌یی ب ده‌ست ڤه‌ ئینابیت و په‌سند كربیت ژلایێ رێڤه‌به‌رییا په‌روه‌ردا.

سێ: ژ پشكنینا پزیشكی ده‌رچووبیت ل دووڤ ئه‌و مه‌رجێن تایبه‌تێن كو بۆ هه‌ر خواندنه‌كێ هاتینه‌ گرتن.

چوار: ده‌رچوویێ سالا خواندنێن بوری بیت ژ دوو سالا وێڤه‌ تر نه‌بیت ب مه‌رجه‌كی پێشتر ل چ زانكۆیان نه‌ هاتبیته‌ وه‌رگرتن.

 

مه‌رجێن وه‌رگرتنا قوتابیان:-

* كولیژێن پزیشكی و پزیشكی ددان و ده‌رمان سازی:

• ئه‌و قوتابیێ تێكرای نمرێن وی ژ (85%) پله‌ كێمتر بیت، ل ڤان كۆلیژان نا هێته‌ وه‌رگرتن.
• دڤیا خولا ئێكێ ژ وانێن (زینده‌وه‌رزانی- كیمیا- فیزیك) ده‌رچووبیت و نمرا هه‌ر ئێك ژ (70%) كێمتر نه‌بیت.
  

 

* كۆلیژا ئه‌ندازیاری :-

• ئه‌و قوتابیێ تێكرای نمرێن وی ژ (80%) پله‌ كێمتر بیت، ل ڤێ كۆلیژێ نا هێته‌ وه‌رگرتن.
•  ژ خولا ئێكێ ژ وانێن (ماتماتیك/فیزیك) دا ده‌رچووبیت و نمرا وی ژ (70%) كێمتر نه‌بیت.
• ئه‌و قوتابیێ داخوازا به‌شێ بیناسازی و ته‌لارسازی دكه‌ت نابیت نه‌خوشییا ره‌نگ هه‌بیت (عمی الالوان).
  

 

* كۆلیژا پزیشكێ ڤێتێرنه‌ری:-

دڤیا قوتابی ل خولا ئێكێ ژ وانێن (فیزیك/ كیمیا/ زینده‌وه‌رزانی) ده‌رچووبیت و نمرێن وی (70%) كێمتر نه‌بیت، خواندن ل ڤان كۆلیژان پێنج ساله‌.

 

* به‌شێ زمانێ ئینگلیزی/كولیژێن ئاداب و په‌روه‌رده‌ و زمان و په‌روه‌ردا بنه‌ره‌تی:-

دڤیا قوتابی خولا ئێكێ ژ وانا زمانێ ئینگلیزی بیت و نمرێن وی ژ (70%) كێمتر نه‌بیت.

 

* به‌شێ كۆمپیوته‌ر/كۆلیژا په‌روه‌رده‌/ و به‌شێ كۆمپیوته‌ر له‌ كۆلیژا زانست:-

دڤیا قوتابی ده‌رچویێ خولا ئێكێ بیت نمره‌یێن وی یێن ماتماتیكێ (70%) كێمتر نه‌بیت.


* كۆلیژا په‌رستاری:-

وه‌رگرتن ل ڤێ كۆلێژێ ب ڤی شێوێ خوارێیه‌:

• بۆ وه‌رگرتن قوتابی ل كۆلیژا په‌رستاری دڤیا چاڤپێكه‌تنێ ئه‌نجام بده‌ت پاش وه‌رگرتنا قوتابیان دێ هێته‌ به‌لاڤكرن ژلایێ ناڤه‌ندا وه‌رگرتنا قوتابیان.
• رێژا (25%) ژ كورسیان بۆ ره‌گه‌زێ نێره‌ و (75%) بۆ مێینه‌.
  

 
رێنمایێن گشتی یێن وه‌رگرتنێ:-

•  ده‌رچویێن هه‌ردوو سالێن بوریی مافێ هه‌ی بۆ وه‌رگرتنێ، ب مه‌رجه‌كی پێشتر وه‌رنه‌گرتبیت ل چ كۆلیژ و په‌یمانگه‌هێن كوردستانێ یان ل زانكۆیێن ناڤه‌راست و باشورێ عێراقێ، لێ دڤیا پشتگیری بینیت بنڤیساره‌كا فه‌رمی ژلایێ رێڤه‌به‌رییا په‌روه‌ردا كو د گه‌ل فۆرما هه‌لبژارتنێ هاڤپێچ بكه‌ت.
• ده‌رچویێن ئاماده‌یێن ده‌رڤه‌ی هه‌رێمێ ماف نینه‌ ل زانكۆیێن هه‌رێمێ بهێنه‌ وه‌رگرتن.
•  ده‌رچویێن سالا بوری و پێشتر ل زانكۆیێ هاتیه‌ وه‌رگرتن و پاشان دابرایه‌ ژ خواندنێ، جاره‌كا دی مافی هندێ نینه‌ داخوازا خواندنێ بكه‌ت ل زانكۆیێ، چونكه‌ به‌ری نها چه‌ند جاران ده‌رفه‌تا وه‌رگرتنێ بۆ روخسایه‌ و شیانێن وه‌رگرتنێ هه‌بوون.
• ئه‌گه‌ر قوتابیه‌كی ناڤێ وی ل چ كۆلیژان نه‌ ده‌ركه‌ت ژبه‌ر كێمیا نمرێن وی، یان ژبه‌ر كێمییا هه‌لبژارتنێن وی ل سه‌ر فورمێ، (ناڤه‌ندا وه‌رگرتنا قوتابیان) بۆ هه‌یه‌ خواندنه‌نكێ بۆ هه‌لبژێریت نه‌ مه‌رجه‌ ل دووڤ ئاره‌زوویا وی بیت و وی ده‌می وی مافێ خۆ نه‌رازیكرنێ ژی نابیت.
• ئه‌و قوتابیێ پێشتر ل ئێك ژ كۆلیژان ناڤ وی ده‌ركه‌تی ماف نینه‌ جاره‌كادی داخوازا وه‌رگرتنێ بكه‌ت.
• هه‌موو قوتابیه‌ك ده‌ما فۆرمێ پر دكه‌ت مه‌رج نییه‌ بهێت وه‌رگرتن چونكه‌ وه‌رگرتن ل دووڤ چه‌ند بنه‌مایێن تایبه‌تن و ل سه‌ر بنه‌مایێ ركابه‌ریێ یه‌ د گه‌ل قوتابیێن دن.
• نابێت قوتابی ب چ شێوه‌كی هه‌مان ده‌م دا فه‌رمانبه‌ر بیت ژبلی قوتابیێن كۆلیژێن خواندنێن ئێڤاران.
• ئه‌و قوتابیێ ناڤێ وی ل كۆلیژه‌كێ ده‌ردكه‌ڤیت پێدڤیه‌ د ماوه‌ی هه‌فتیه‌كێدا پشتی ئه‌نجام دهێنه‌ راگه‌هاندن په‌یوه‌ندی ب كۆلیژێ بكه‌ت.
• وه‌رگرتنا قوتابی یا دروستی دێ ل دووڤ ئاره‌زوویا وی بیت پشتی وه‌رگرتنێ ب هێ شێوه‌كی ماف نینه‌ خۆ نه‌رازیكه‌ت.
• قوتابیێ نه‌گونجان و خه‌له‌تیه‌ك دوه‌رگرتنا ویدا هه‌بیت بو ده‌مێ (10) رۆژان پشتی راگه‌هاندنا ئه‌نجامان دڤیا ب نڤیساره‌كێ ئاگه‌هداریا كۆلیژ خۆ بكه‌ت و داخوازا به‌رسڤێ ژێ بكه‌ت، دا تووشی چ جۆرێن لێپرسینێن یاسایی نه‌بیت كو ببیته‌ ئه‌گه‌رێ دابرینا وی ژ خواندنێ و هه‌لوه‌شانا وه‌رگرتنا وی.
• نابێت ته‌مه‌نی قوتابی ژ (30) سالان زێده‌تر بیت.
  

 

به‌لگه‌نامێن پێدڤی بۆ وه‌رگرتنا قوتابیان:-

* به‌لگه‌نامێن پێدڤی بۆ ناڤ نڤێسینێ:

• فۆرما ناڤ نڤێسینێ بۆ وه‌رگرتنێ، پشتی پركرنێ ژ لایێ لیژنا وه‌رگرتنا قوتابخانێ و پاشان په‌سند كرنێ ژلایێ رێڤه‌به‌رییا قوتابخانێ د گه‌ل پسولا وه‌رگرتنێ.
•  نڤیساره‌ك سه‌باره‌ت ده‌رچوانێ، پشتگێریێ لێ بكه‌ت كو قوتابی پێشتر ل چ كۆلیژان نه‌ هاتیه‌ وه‌رگرتن.
  

 

* به‌لگه‌نامێن پێدڤی ب تۆماركرنێڤه‌:

• باوه‌رناما خواندنێ كو نمرێن وی قوتابی تێدا د نڤیسی بن.
• وێنه‌یه‌ك ژ ره‌گه‌زناما عیراقی.
• وێنه‌یه‌ك ژ ناسناما بارێ شارستانی (الاحوال المدنیه‌).
• فۆرما پشكنینا پزیشكی د زه‌رفه‌كێ موركریدا، ئه‌گه‌ر ئاشكرا بو كو ساخله‌مییا قوتابی ل گه‌ل سروشتێ خواندنا لێ هاتیه‌ وه‌رگرتن ناگونجیت ئێكسه‌ر دێ قوتابی هێته‌ هنارتن بۆ (ناڤه‌ندا وه‌رگرتنا قوتابیان) تا كو هه‌لبژارتنا وی بگوهرن بۆ خواندنه‌كێ كو د گه‌ل ساخله‌مییا قوتابی بگونجیت.
• سێ وێنه‌یێن نوی.
• قوتابیێ ئاره‌زوویا وه‌رگرتنێ ل خواندنێن ئێڤاران هه‌یه‌ دڤیا ب راپۆرته‌كا پزیشكی بسه‌لمینیت كو نه‌خۆشییا شه‌ڤ كویری نینه‌.
  

                                    

وه‌رگرتنا راسته‌وخۆ ل كۆلێژێن ئێڤاریان:-

وه‌رگرتن ل كولیژێن خواندنێن ئێڤاران نابێت بۆ ئه‌و كه‌سێن برواناما به‌كالوریوس هه‌بیت یان به‌رده‌وامن وه‌ك قوتابی ل زانكۆ وپه‌یمانگه‌هێن هه‌رێمێ.
 

* كۆلیژا په‌روه‌ردا وه‌رزشی و به‌شێن په‌روه‌ردا وه‌رزشی ل كولیژێن په‌روه‌ردێ وپه‌روه‌ردا بنیات.


ان مه‌رجێن ل خوارێ :-

• قوتابی ده‌رچووی شه‌شێ ئاماده‌یی بیت و تێكراییا نمرێن وی 60% كێمتر نه‌بیت.
• ل 8/8/ سه‌ره‌دانا كۆلیژا په‌روه‌ردا وه‌رزشی بكه‌ن ب مه‌به‌ستا وه‌رگرتنا فۆرما تایبه‌ت.
• ته‌مه‌ن قوتابی ژ بیست وپێنج سالان زێده‌تر نه‌بیت.
• ل رێكه‌فتی 18-19-20/8/ دێ تاقیكرن و چاڤپێكه‌فتن هێنه‌ ئه‌نجام دان.
  

 

* كۆلیژا زمانێ ئینگلیزی/ خواندنێن ئێڤاران:

• قوتابی/ ده‌رچووی ئاماده‌یی بیت (زانستی،وێژه‌یی)
• ئه‌و قوتابیێ داخوازا به‌شی زمانێ ئینگلیزی بكه‌ت دڤیا نمرا وی ژ (65%) كێمتر نه‌بیت.
• بۆ هه‌ر ساله‌كا خواندنێ دێ (450000) هه‌زار دینارێن عیراقی ده‌ته‌ كولیژا ناڤبری.
  

* به‌شێ یاسا(ئێڤاران):

• دڤیا قوتابی ده‌رچوویێ ئاماده‌یی بیت (زانستی یان وێژه‌یی).
• تێكرایی نمرێن وی ژ (60%) كێمتر نه‌بیت.
• بۆ هه‌ر ساله‌كا خواندنێ دێ (450000) هه‌زار دینارێن عیراقی ده‌ته‌ كولیژا ناڤبری.
  

* به‌شێن(كارگێری كار، ژمێریاری) ئێڤاران:

• دڤیا قوتابی ده‌رچوویێ ئاماده‌یی بیت (زانستی یان وێژه‌یی) دیسان ده‌رچویێن ئاماده‌ییا بازرگانی و ده‌رچویێن په‌یمانگه‌ها ته‌كنیكی (به‌شێن هاوپسپۆر) دێ هینه‌ ورگرتن.
• بۆ هه‌ر ساله‌كا خواندنێ دێ (450000) هه‌زار دینارێن عیراقی ده‌ته‌ كولیژا ناڤبری.
  

* به‌شێ كۆمپیوته‌ر-ئێڤاران، به‌شێ كوردی-ئێڤاران، به‌شێ مێژوو-ئێڤاران:

• دڤیا قوتابی ده‌رچوویێ ئاماده‌یی بیت (زانستی یان وێژه‌یی).
• تنێ به‌شێن زانستی د هێنه‌ ورگرتن د گه‌ل ده‌رچویێن په‌یمانگه‌ها ته‌كنیكی/به‌شێ كۆمپیوته‌ر.
• بۆ هه‌ر ساله‌كا خواندنێ دێ (450000) هه‌زار دینارێن عیراقی ده‌ته‌ كولیژا ناڤبری.
  

 

ئه‌گه‌رێن هه‌لوه‌شاندنا وه‌رگرتنا قوتابی:-

هه‌لوه‌شاندن وه‌رگرتنا قوتابی ژ به‌رڤان ئه‌گه‌رێن خوارێ یه‌:

ئێك: ئه‌گه‌ر قوتابی د ده‌مێ هه‌فتیه‌كێدا پشتی راگه‌هاندنا ئه‌نجامێن وه‌رگرتن، په‌یوه‌ندی ب وێ كۆلێژا لێ هاتیه‌ وه‌رگرتن نه‌ كه‌ت.

دوو: ئه‌گه‌ر قوتابی زانیاری یان به‌لگه‌نامێن نه‌دروست یان نه‌ ته‌مام بده‌ته‌ كۆلێژێ، وێ كۆلێژ ماف یێ هه‌ی وه‌رگرتنا وی هه‌لوه‌شینیت.

سێ: ئه‌گه‌ر وه‌رگرتنا قوتابی د گه‌ل بنه‌ما و رێنمایا و مه‌رجێن وه‌رگرتن نه‌ گونجن.

چوار: ئه‌گه‌ر قوتابی به‌لگه‌نامێن ته‌مام یێن ژێ هاتینه‌ داخوازكرن پێشكه‌ش نه‌ كه‌ت

• 
  
  
  
•