هه‌ڤپێچ ئــاگه‌هداریا مه‌ لدوور پــلانا خواندنا بلند (ماسته‌ر) بۆ ساڵا خواندنێ (2010 - 2011) د گه‌ل مه‌رجـێن وه‌رگرتنێ و هــه‌ر كه‌سه‌كێ حــه‌ز بكه‌ت بــلا داخــوازیـا خـۆ پێشكێش بكــه‌ت ل كــولیژا تــایبه‌تمه‌ند ب مــه‌رج و به‌ڵگه‌نامێن دیــاركرى د لــیستا هه‌ڤپێج دا و هــه‌ر ژ روژا دووشه‌مبى (18/ 10/2010 )  تا كو روژا سێ شه‌مبى (2/ 11/2010 ) ... دگه‌ل رێزگرتنێ.


د.  حسن أمین محمد
ه . س. زانكویێ  بۆ كاروبارێن زانستى و خواندنا بلند

ئاگه‌هدارى
پێشكێشكرن بۆ خواندنا بلند (ماسته‌ر) ل كولیژێن زانكویا دهوك
بۆ ساڵا خواندنێ  2010 - 2011
زانكویا دهوك رادگه‌هینیت ب ده‌ست پێكرنا پێشكێشكرنێ بۆ خواندنا بلند (ماسته‌ر) د بوارێن لیستا
هه‌ڤپێچ دا هاتین بۆ ساڵا خواندنێ (2010 - 2011).

تێبینى:-
1-پـێشـكێـشـكرن دێ ده‌سـت پـێ كه‌ت ل روژا دوو  شـه‌مـبى ( 18/10/2010) تـــا كو روژا سێ شه‌مبى (2/11/ 2010 ) ب دوماهى هاتنا ده‌واما ره‌سمى.
2-پیِشكێشكرن دێ ل هوبێن خواندنا بلند هێته‌ كرن ل راگریا كولیژێ
3-تاقیكرنا زانستى ب نڤێسین ( الأمتحان التحریری) دێ ل روژا سێ شه‌مبى (9/11/ 2010 ) بیت ل كولیژێن زانكویێ ل ده‌مژمێر (9:00) نه‌هێ سپێدێ.

مه‌رجێن وه‌رگرتنێ :-
1-هه‌لگرێ باوه‌رناما به‌كالوریوسێ دپسپوریێ دا  یا ن وه‌ك هه‌ڤَێ وێ.
2-مه‌رجه‌ ته‌مه‌نێ داخوازكه‌رى ژ (40) ساڵا زێده‌تر نه‌بیت.
3-مه‌رجه‌ تێكرایێ نمرێت ده‌رچوونا پێشكێشكه‌رى كێمترنه‌بیت ژ 65 % یان ده‌رچوویێ چوار ئێكا ئێكێ بیت.
4-ژبلى كرنا ده‌رچوویێن پسپووریێن پزیشكى ژ مه‌رجێ تێكرایێ نمرا به‌لێ بۆ وه‌رگرتنا وان تێكرایێ نمرێن ده‌رچوونا وان ل تاقیكردنا زانستى دگه‌ل تێكرایێ نمرێن ده‌رچوونێ ل كولیژێ كێمتر نه‌بیت ژ 60%.   
5-مه‌رجه‌ دوو ساڵ بوورى بن لسه‌ر وه‌رگرتنا باوه‌رناما پێشكێشكه‌رى. یان ساڵه‌ك بۆ ده‌رچوویێن ئێكێ ل سه‌ر ئاستێ پشكێ.
6-پێدڤى یه‌ باوه‌رناما شیانێن زمانێ ئینگلیزى هه‌بیت (ل هه‌رێمێ هاتبیته‌ وه‌رگرتن و پێنج سال لسه‌ر وه‌رگرتنا وێ ڤه‌ نه‌چووبن). یان (TOFEL) یان (IELTS) هه‌بیت كۆ نمرا وى كێمتر نه‌بیت ژ (60%) ژ نمرا تاقیكرنێ.
7-پیدڤى یه‌ باوه‌رناما شیانێن كومپیوته‌رى هه‌بیت (ل هه‌رێمێ هاتبیته‌ وه‌رگرتن و پێنج سال لسه‌ر وه‌رگرتنا وێ ڤه‌ نه‌چووبن).
8-پێدڤى یه‌  بسه‌ركه‌ڤیت ل تاقیكرنا زانستیدا.
9-رێژا (60 %) ژ تێكرایێ نمرێت ده‌رچوونێ و (40 %) ژ نمرا تاقیكرنا زانستى دێ هێته‌ هژمارتن, ب مه‌رجه‌كى تێكرایێ هه‌ردوو  نمران كێمتر نه‌بیت ژ (60%).
10-پێدڤى یه‌ ژبۆ خواندنێ پێشكێشكه‌رێ خواندنا ماسته‌رێ خۆ ته‌رخان بكه‌ت (ڤالكاریا ته‌مام) و چ كارێن دى نه‌كه‌ت ئه‌گه‌ر هاته‌ وه‌رگرتن.
11-سه‌باره‌ت هه‌لگرێن باوه‌رناما دبلوما بلند (ئێك سال) یا ئه‌كادیمى، نه‌ك یا پیشه‌یى, نمرا دویماهیێ ژبۆ وه‌رگرتنێ دێ ب ڤى ره‌نگێ لخوارێ بیت:
أ‌-تێكرایێ ده‌رچوونێ یێ خواندنا به‌كالوریوسێ دێ رێژا (40 %) هێته‌ هژمارتن.
ب‌-تێكرایێ ده‌رچوونێ یێ خواندنا دبلومێ دێ رێژا (60 %) هێته‌ هژمارتن.
پاش كومكرنا هه‌ردوویان ئه‌ڤ تێكرایه‌ دێ چیته‌ دناڤ پێشبركیێ دا.
12-نابیت پێشكێشكه‌ر پێشتر ل چ خواندنێت بلند هاتبیته‌ وه‌رگرتن ل ناڤ هه‌رێمێ و ده‌رڤه‌ى هه‌رێمێ یان وه‌رگرتنا وى هاتبیته‌ ره‌تكرن ژ به‌ر ئه‌گه‌رێن كێمته‌رخه‌میێ یان وازلێنانا نه‌ ئاسایى یان هاتبیته‌ دوویرئێخستن ژ خواندنێ یان سه‌رنه‌كه‌فتبیت.
13-بوردێ سه‌رپه‌رشتیارێ كورسیا ماسته‌رێ یێ به‌رپرسه‌ ژ تاقیكرنا زانستى وهه‌لبژارتنا كاندیدا بو گشت كورسیان.
14-د فورما پیشكێشكرنێدا پیوسته‌ پێشكێشكه‌ر ئێك هه‌لبژارتنا ئاشكرا هه‌بیت.
15-بریاره‌ كۆ زوربه‌یا ده‌رچوویێن ماسته‌رى بچنه‌ لسه‌ر میلاكێ زانكویێت نوى یێن ده‌رڤه‌ى باژیرێن مه‌زن و لسه‌ر میلاكێ ده‌سته‌یێن خوێندنا ته‌كنیكى و ئه‌گه‌ر هات پێشكێشكه‌رى پێشكێشى كورسیه‌كا ڤان لایه‌نان كر، دێ به‌لێن نامه‌یه‌كێ ئیمزا كه‌تن كۆ بۆ ماوێ چوار ساڵا ل وى لایه‌نى كاربكه‌ت و ئه‌و لایه‌ن ژلایێ خۆڤه‌ دێ به‌رپرسیاره‌تیا تێچوویێن خه‌رجیێن قوتابى ب ستویێ خۆڤه‌ گریت.
16-پێشكێشكه‌رێن ناڤ و ده‌رڤه‌ى وه‌زاره‌تا خواندنا بلند لارینه‌بوونه‌كێ و به‌َلێنه‌كا پشتگیریا دارایى ژ ده‌زگه‌هێ فه‌رمى یێ ئه‌و لێ كاردكه‌ت بینیت. ئه‌و ده‌زگه‌ه د به‌رپرسن به‌رامبه‌ر خه‌رجیێن خواندنێ و مووچه‌ و ده‌رمالان. 

پێدڤیێن پێشكێشكرنێ :-
1. ره‌گه‌زناما بارێ باژێرى (جنسیه‌ الاحوال المدنیه‌) (1) دانه‌ (كوپیكرى) .
2. ره‌گه‌زناما عێراقى (الجنسیه‌ العراقیه‌) (1) دانه‌ (كوپیكرى) .
3. چوار (4) وێنه‌ .
4. باوه‌رناما نمرێن ده‌رچوونێ (سه‌ره‌كى  و كوپیكرى) .
5. باوه‌رناما ده‌رچوونێ  یا سه‌ره‌كى.
6. باوه‌رناما شیانێن زمانێ ئینگلیزى (ل هه‌رێمێ هاتبیته‌ وه‌رگرتن و پێنج سال لسه‌ر وه‌رگرتنا وێ ڤه‌ نه‌چووبن). یان (TOFEL) یان (IELTS) كۆ نمرا وى كێمتر نه‌بیت ژ (60%) ژ نمرا تاقیكرنێ.
7. باوه‌رناما شیانێن كومپیوته‌رى (ل هه‌رێمێ هاتبیته‌ وه‌رگرتن و پێنج سال لسه‌ر وه‌رگرتنا وێ ڤه‌ نه‌چووبن).
8. لارى نه‌بوون ژ وه‌زاره‌تا په‌یوه‌ندیدار تێدا بهێته‌ دیاركرن كۆ وه‌زاره‌تا ناڤبرى لاریبوون نینه‌ لایه‌نێ دارایى یێ خواندنێ لسه‌ر ئه‌ركێ وان بیت ( ئه‌گه‌ر فه‌رمانبه‌ربیت ). ئه‌گه‌ر نه‌ فه‌رمانبه‌ربیت دێ لایه‌نێ دارایى یێ خواندنێ لسه‌ر ئه‌ركێ وى بیت.
9. داخوازا پیشكێشكرنێ .
10. فورما پێشكێشكرنێ (ژلایێ هوبێن خواندنا بلند ڤه‌ دهێنه‌ پركرن ل كولیژێ).
11. كوپیه‌ك ژ مه‌رجێن وه‌رگرتنێ بهێته‌ ئیمزا كرن ژلایێ پێشكێشكه‌رى ڤه‌ دگه‌ل داخوازیا وه‌رگرتنێ و فورما پێشكێشكرنێ بهێته‌ لێكدان و دناڤ دووسییا قوتابى دا بیت.