زانكۆیا دهۆك رادگه‌هینیت ب ده‌ست پێكرنا پێشكێشكرنێ بۆ خواندنا بلند بۆ ساڵا خواندنێ (2010 - 2011).پـێشـكێـشـكرن دێ ده‌سـت پـێ كه‌ت ل رۆژا دوو  شـه‌مـبى ( 18/10/2010) تـــا كو روژا سێ شه‌مبى (2/11/ 2010 ) ب دوماهى هاتنا ده‌واما ره‌سمى. پیِشكێشكرن دێ ل هوبێن خواندنا بلند هێته‌ كرن ل راگریا كولیژێ تاقیكرنا زانستى ب نڤێسین ( الامتحان التحریری) دێ ل روژا سێ شه‌مبى (9/11/ 2010 ) بیت ل كولیژێن زانكویێ ل ده‌مژمێر (9:00) نه‌هێ سپێدێ.

 

مه‌رجێن وه‌رگرتنێ :-

1-هه‌لگرێ باوه‌رناما ماسته‌رێ بیت.

2-پێدڤیه‌ ته‌مه‌نێ داخوازكه‌رى ژ (45) ساڵا پتر نه‌بیت.

3-پێدڤى یه‌ باوه‌رناما شیانێن زمانێ ئینگلیزى هه‌بیت (ل هه‌رێمێ هاتبیته‌ وه‌رگرتن و پێنج سال لسه‌ر وه‌رگرتنا وێ ڤه‌ نه‌چووبن)،  یان (TOFEL) یان (IELTS) هه‌بیت كۆ نمرا وى كێمتر نه‌بیت ژ (60%) ژ نمرا تاقیكرنێ.

4-پیدڤى یه‌ باوه‌رناما شیانێن كومپیوته‌رى هه‌بیت (ل هه‌رێمێ هاتبیته‌ وه‌رگرتن و پێنج سال ل سه‌ر وه‌رگرتنا وێ ڤه‌ نه‌چووبن).

5-پێدڤى یه‌  بسه‌ركه‌ڤیت ل تاقیكرنا زانستیدا ( نڤێسى ).

6-رێژا (60 %) ژ تێكرایێ نمرێت ده‌رچوونێ و (40 %) ژ نمرا تاقیكرنا زانستى دێ هێته‌ هژمارتن, ب مه‌رجه‌كى كۆما  نمرێت وى كێمتر نه‌بیت ژ (60%).

7-ماموستاێن زانكویێ ئه‌وێن پێشكێشى خواندنا دكتورایێ دكه‌ن مافێ هه‌یه‌ ڤالكاریا پارچه‌یى (تفرغ جزئی) وه‌ربگرن ب مه‌رجه‌كى ئه‌گه‌ر كولیژێ هه‌وجه‌یى ب پسپووریا وى هه‌بیت ژبۆ وانه‌ گوتنێ ژبلى ڤێ چه‌ندێ پێشكێشكه‌رێ خواندنا دكتورایـێ ماف هه‌یه‌ ڤالكاریا تمام (تفرغ كلی) وه‌ربـگـریت.

8-نابیت پێشكێشكه‌ر پێشتر ل چ خواندنێت بلند هاتبیته‌ وه‌رگرتن ل ناڤ هه‌رێمێ و ده‌رڤه‌ى هه‌رێمێ یان وه‌رگرتنا وى هاتبیته‌ ره‌تكرن ژ به‌ر ئه‌گه‌رێن كێمته‌رخه‌میێ یان وازلێنانا نه‌ ئاسایى یان هاتبیته‌ دوویرئێخستن ژ خواندنێ یان سه‌رنه‌كه‌فتبیت.

9-پێشكێشكه‌رێ دكتورایێ پێتڤیه‌ راسپاردێن دوو ماموستایێن ئه‌ندامێن ده‌سته‌یا وانه‌گوتنێ بده‌ستڤه‌بینیت ب مه‌رجه‌كى وانه‌ بۆ گوتبن یان كار لگه‌ل ئه‌نجام دابیت یان سه‌رپه‌رشتیا خواندنا وى یا ماسته‌رێ كربیت.

10-دڤێت قوتابى پشتى كورسان (د ده‌مێ ڤه‌كولینێ دا) بو ماوێ شه‌ش هه‌یڤان بچیته‌ ده‌رڤه‌ى وه‌لاتى.

11-دڤێت قوتابى به‌رى گه‌نگه‌شه‌كرنێ ڤه‌كولینه‌كێ د ئێك ژ گوڤارێن جیهانى دا به‌لاڤ بكه‌ت.  

12-بۆزانین كۆ ( شروط المفاضله‌ ) ئه‌ڤێن ل خوارێ نه‌.

(تێكرایێ نمرا - ناسناڤێ زانستى - ژمارا ساڵێن خزمه‌تێ-  ژمارا ڤه‌كولینێن به‌لاڤكرى)

           

         

پێدڤیێن پێشكێشكرنێ :-

1. ره‌گه‌زناما بارێ باژێرى (1) دانه‌ ( كوپیكرى ) .

2. ره‌گه‌زناما عێراقى (1) دانه‌ ( كوپیكرى ) .

3. چوار (4) وێنه‌ .

4. باوه‌رناما نمرێن ده‌رچوونێ (سه‌ره‌كى  و كوپیكرى ) .

5. باوه‌رناما ده‌رچوونێ  یا سه‌ره‌كى.

6. لارى نه‌بوون ژ وه‌زاره‌تا په‌یوه‌ندیدار و تێدا بهێته‌ دیاركرن كۆ وه‌زاره‌تا ناڤبرى لاریبوون نینه‌ لایه‌نێ دارایى یێ خواندنێ لسه‌ر ئه‌ركێ وان بیت. ( ئه‌گه‌ر فه‌رمانبه‌ربیت ).  ئه‌گه‌ر نه‌ فه‌رمانبه‌ر بیت دێ لایه‌نێ دارایى یێ خواندنێ لسه‌ر ئه‌ركێ وى بیت.

7. داخوازا پیشكێشكرنێ .

8. فورما پێشكێشكرنێ (ژلایێ هوبێن خواندنا بلند ڤه‌ دهێنه‌ پركرن ل كولیژێ).