ئاگەهداریا قوتابی و ستافێ زانکۆیا دهۆک دکەین، کو ل رۆژا پێنجشەمب، رێکەڤتی ٢/٥/٢٠٢٤، ل ناڤەندا قوتابیان ل زانکۆیا دهۆک، و ل دەمژمێر ١١ـی سپێدێ، پێشانگەها پێشکێشکرنا خزمەتێن بانکی، ژ لایێ کۆلیژا کارگێری و ئابووری ل زانکۆیا دهۆک و ب هەڤکاری ل گەل چەندین بەنکێن کوردستانێ و بەنکا ناڤەندی عیراقی و ئێکەتیا بەنکێن عیراقی ، و ب پشکداریا چەندین بانکا دێ هێتە ڤەکرن.
د ڤێ پێشانگەهێ دا، چەندین خزمەتێن دارایی، بێ بەرامبەر بۆ قوتابی و ستافێ زانکۆیا دهۆک دێ هێنە پێشکێشکرن، ژ وان ژی؛ ڤەکرنا هەژمارێن بانکی ل بانکێن ناڤدارێن جودا، دروستکرنا کاردێن ئەلکترۆنیێن وەکو ڤیزە کارد و ماستەر کارد و گەلەک خزمەتێن دی.
لەورا، بۆ ڤەکرنا هەژمارێن بانکی و خزمەتێن دی، هیڤیدارین دوکیۆمێنتێن پێدڤی ل گەل خۆ بینن، وەکو پاسپۆرت، کاردا نیشتیمانی و کاردا پێزانینان.
راگەهاندنا زانکۆیا دهۆک؛ ٢٩ـی نیسانێ ٢٠٢٤