ئەڤرۆ رێکەڤتی٢ـی گولانێ ٢٠٢٤، ل ناڤەندا قوتابیان ل زانکۆیا دهۆك پێشانگەها پێشکێشکرنا خزمەتێن بەنکی، ژلایێ کولیژا کارگێری و ئابووری ل زانکۆیا دهۆك و ب هەڤکاری ل گەل لقا هەولێر یا بەنکا ناڤەندیا عیراقی و ئێکەتیا بەنکێن عیراقی و ب پشکداری یا ١٣ بەنکێن ناڤدارێن جودا، ب ئامادەبوونا شەمعۆن شلیمۆن ئیشۆ، جێگرێ پارێزگاهێ دهۆکێ و د. بەسام ئەحمەد عەبدوللا، راگرێ کولیژا کارگێری و ئابووری و نوێنەرێن هژمارەکا بەنکان هاتە ڤەکرن، کو تێدا چەندین خزمەتێن داراییێن ئەلکترۆنی، وەکو ڤیزە کارد و ماستەر کارد و چەندین خزمەتێن دی بێ بەرامبەر بۆ قوتابی و ستافێ زانکۆیا دهۆک هاتنە پێشکێشکرن.
دهێتە زانین سالانە د ڤێ رۆژێ دا ئەڤ چالاکیە ل گەلەک وەلاتان دهێنە ئەنجامدان ب ب مەرەما پەیداکرنا هشیاری و تێگەهشتنا گشتی لدۆر کاروبارێن دارایی و پێشکێشکرنا خزمەتێن دارایی و بەنکی یێن ئەلکترۆنی، دیسان ئەڤ رۆژە یا هاتیە دەستنیشانکرن بۆ بهێزترکرنا باوەریێ د ناڤبەرا بەنکا و هاولاتیان دا و زانینا وان خزمەتێن ژ لایێ بەنکان ڤە دهێنە پێشکێشکرن.
بۆ داونلۆدکرنا وێنێن ب کوالتیا بلند، لینکێ ل خوارێ کلیک بکە:
https://drive.google.com/drive/folders/1pfSf2sVC3RbaVqZ-YnyVXxlowMiPDLii?usp=drive_link
راگەهاندنا زانکۆیا دهۆك؛ ٢ گولانێ ٢٠٢٤
ئامادەكرن: نیبارێ حجی و عسمەت خابوور
فوتۆ: محەمەد عەبدولکەریم